ផ្ទះ ព័ត៌មានកីឡា Rivaldo ថា បន...

Rivaldo ថា បន្ទាប់ពី Ronaldo និង Messi ទៅ ដល់វេន Neymar ម្ដងហើយ

0

Rivaldo អតីតខ្សែបម្រើប្រយុទ្ធឆ្នើមរបស់ជម្រើសជាតិប្រេស៊ីល មានជំនុកចិត្តថាបន្ទាប់ពីសម័យ Cristiano Ronaldo និង Lionel Messi បញ្ចប់ទៅ គឺដល់ពេលដែល Neymar ឡើងធ្វើជាកំពូលកីឡាករលើលោកហើយ។

ច្បាស់ណាស់នាពេលបច្ចុប្បន្ននេះ Rivaldo ដឹងថា Neymar មិនអាចយកទៅប្រៀបជាមួយកំពូលកីឡាករ Ronaldo និង Messi បាននោះទេ ប៉ុន្តែបន្ទាប់ពីពួកគេចាស់ទៅ ហើយខ្សែប្រយុទ្ធប្រេស៊ីលកាន់តែពេញវ័យ មានបទពិសោធន៍ច្រើន នោះអ្វីគ្រប់យ៉ាងនឹងដឹងច្បាស់ហើយ។

96b8be5a306b44d1a61865b08d76009b_18

“ពេលនេះ Neymar មាន Messi និង Ronaldo នៅពីមុខ ប៉ុន្តែគាត់កំពុងតែធ្វើរឿងត្រឹមត្រូវហើយ។ មិនយូរទៀតទេ Neymar នឹងនៅលើគេក្នុងលោកនេះ។ ខ្ញុំស្គាល់គាត់ (Neymar) យូរមកហើយ ហើយមុនពេល Barca ទិញគាត់ ខ្ញុំដឹងថាថ្ងៃណាមួយគាត់នឹងក្លាយជាកំពូលកីឡាករ”។ សម្ដីរបស់ Rivaldo ។

Neymar បច្ចុប្បន្ននេះកំពុងលេងឱ្យក្រុមជម្រើសជាតិប្រេស៊ីលក្នុងព្រឹត្តិការណ៍អូឡាំពិករដូវក្ដៅ ដោយប្រេស៊ីលធ្វើជាម្ចាស់ផ្ទះផ្ទាល់តែម្ដង។ ខណ:ដែលកីឡាករវ័យ២៣ឆ្នាំរូបនេះ ក៏រំពឹងថានឹងបង្កើតកំណត់ត្រាមរកមេដាយមាសជូនជាតិបានផងដែរ៕

ballon-dor-lionel-messi-cristiano-ronaldo-neymar-barcelona-real-madrid_3383480

មតិយោបល់