នៅថ្ងៃចុងក្រោយនៃការដោះដូរកីឡាករនេះ ក្លឹប Chelsea បានសម្រេចចិត្តទិញយកខ្សែការពារ David Luiz ពីក្លឹប PSG មកវិញ ក្នុងតម្លៃខ្លួន៣២លានផោន។

ខ្សែការពារជម្រើសជាតិប្រេស៊ីលខាងលើនេះចាកចេញពីក្លឹប Chelsea កាលពីឆ្នាំ២០១៤កន្លងទៅ ដោយទៅលេងនៅបារាំងក្នុងតម្លៃខ្លួន៥០លានផោន ដែលជាតម្លៃបង្កើតកំណត់ត្រាខ្សែការពារថ្លៃបំផុតលើលោក។ យ៉ាងណាមិញ នៅរដូវកាលថ្មីនេះ លោក Conte គ្រូបង្វឹករបស់ក្លឹប Chelsea បានសម្រេចចិត្តយករូបគេត្រលប់មកអង់គ្លេសវិញហើយ ដោយមានតម្លៃត្រឹមតែ៣២លានផោនប៉ុណ្ណោះ។

ក្លឹប PSG សម្រេចលក់កីឡាករវ័យ២៩ឆ្នាំខាងលើនេះគឺដោយសារតែលោក Unai Emery មើលឃើញថារូបគេបង្ហាញទម្រង់លេងមិនល្អនោះទេ ដោយកាលពីប្រកួតបើករដូវកាលបានស៊ុតចូលទីខ្លួនឯង ហើយថែមទាំងស៊ុតបាល់ប៉េណាល់ទីមិនចូលថែមទៀតផង៕