Thursday, ទី13 June, ឆ្នាំ2013 10:41 am
ការបង្ហើបផ្លូវក្នុងការចចារគ្នារវាងប្រទេសកូរ៉េទាំងពីរដែលចាប់ផ្តើមពីភាគីកូរ៉េខាងជើងថ្មីៗនេះបានធ្វើឲ្យមានភាពភ្ញាក់ផ្អើលយ៉ាងខ្លាំងពីសំណាក់អន្តរជាតិប៉ុន្តែគួរឲ្យសោកស្តាយដែលក្រោយមកត្រូវបានផ្អាកទៅវិញនិងវាបានហាក់ដូចជាធ្វើឲ្យការផ្សះផ្សានៃចំណងមិត្តភាពរបស់ឧបទ្វីបកូរ៉េក្លាយជារឿងពិបាកទៅវិញ។
ភាពតានតឹងបានកើនឡើងដល់កម្រិតខ្ពស់បំផុតចាប់តាំងពីកូរ៉េខាងជើងបានសាកល្បងមីស៊ីលកាលពីខែធ្នូហើយចាប់ផ្តើមពង្រាយទ័ពតាមព្រំដែនជាមួយកូរ៉េខាងត្បូងនិងបិទច្រកតំបន់សេដ្ឋកិច្ច Kaesong។
បន្ទាប់មកនាពេលថ្មីៗគេបែរជាចម្លែកចិត្តនៅពេលដែលភាគីទាំងពីរហាក់ដូចជាបន្ទន់ខ្លួនដើម្បីស្វែងរកតុចចារគ្នាទៅវិញ។បើទោះបីជាយ៉ាងណាក៏ដោយផែនការនៃការពិភាក្សាត្រូវបានរំសាយទៅវិញដោយសារការមិនជឿជាក់ថាការចចារនេះមានប្រសិទ្ធភាពក្នុងការប៉ះប៉ូវនូវសម្ព័ន្ធភាពរវាងគ្នាទៅវិញរវាងមេដឹកនាំទាំងសងខាងទៅវិញហើយវាត្រូវបានអ្នកជំនាញមើលឃើញថាគឺដោយសារតែការយល់ច្រឡំគ្នាអំណាចរៀងខ្លួនលើប្រព័ន្ធនយោបាយដែលខុសស្រឡះពីគ្នានោះហើយការចចារនឹងអាចធ្វើឡើងវិញនៅពេលដែលភាគីទាំងសងខាងមានភាពធូរស្រាលបន្តិច៕
