ជនរងគ្រោះមកសំរាកព្យាបាលជំងឺនៅគ្លីនិកពួកគាត់សំរានលក់ជនសង្ស័យធ្វើសកម្មភាពលួចត្រូវសមត្ថកិច្ចឃាត់ខ្លួន…
ព្រះសីហនុ:យោងតាមផេកការិយាល័យផ្សព្វផ្សាយតាមបណ្តាញសង្គមបានអោយដឹងថានៅថ្ងៃច័ន្ទ ៩រោច ខែជេស្ឋ ឆ្នាំថោះបញ្ចស័ក ពុទ្ធសករាជ ត្រូវនឹងថ្ងៃទី ១២ ខែ មិថុនា ឆ្នាំ២០២៣ វេលាម៉ោង០២នឹង០០នាទី ទៀបភ្លឺ នៅចំណុចគ្លីនិកឯកជន ស្ថិតនៅក្នុងភូមិបត់គគីរ ឃុំអូឧកញ៉ាហេង ស្រុកព្រៃនប់ ខេត្តព្រះសីហនុ មានករណីអំពើលួច០១កើតឡើង បង្កដោយជនសង្ស័យ១នាក់ បានធ្វើសកម្មភាពចូលទៅលួចទូរស័ព្ទដៃចំនួន០៣គ្រឿងដែលជារបស់ជនរងគ្រោះទាំង៣នាក់ខាងលើ ជាប្រជាពលរដ្ឋមកសំរាកព្យាបាលជំងឺនៅគ្លីនិច នេះ ហើយជនសង្ស័យបានធ្វើសកម្មភាព លួច ក្នុងពេលពួកគាត់សំរានលក់។ ក្រោយពីធ្វើសកម្មភាពរួចកំលាំងយើងបានធ្វើការស្រាវជ្រាវឃាត់ខ្លួនជនសង្ស័យនិងដកហូតវត្ថុតាងជាក់ស្ដែង បានតែម្តង ។ ជនរងគ្រោះ ១,ឈ្មោះ បឹង នេត ភេទប្រុសអាយុ២២ឆ្មាំ មានទីលំនៅ ភូមិអូរឧកញ៉ាហេង ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ។ ២,ឈ្មោះ ជិន រ៉ា ភេទប្រុស អាយុ៥២ឆ្នាំ មានទីលំនៅភូមិអូរត្រាវ ឃុំអណ្តូងថ្ម ស្រុកព្រៃនប់ ខេត្តព្រះសីហនុ ។ ៣,ឈ្មោះ សៅ សូខន ភេទស្រី អាយុ៧០ឆ្នាំ មានទីលំនៅភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ ។ ជនសង្ស័យ ១–ឈ្មោះ អូម ពៅ ភេទប្រុស អាយុ៤៧ឆ្នាំមុខរបរមិនពិតប្រាកដ ជនជាតិខ្មែរ មានទីលំនៅ បច្ចុប្បន្នភូមិបត់គគីរ ឃុំអូរឧកញ៉ាហេងស្រុកព្រៃនប់ ខេត្តព្រះសីហនុ ។ បច្ចុប្បន្ន ជនសង្ស័យយើងបានធ្វើការឃាត់ខ្លួន ដើម្បីកសាងសំនុំរឿងតាមនិតិវិធីច្បាប់។
