ទំនិញម្ហូបអាហារនៅផ្សារព្រែកព្នៅ និងផ្សារស៊ិនជូរីផ្លាហ្សា ពុំមានដាក់សារធាតុគីមី
ទំនិញប្រភេទម្ហូបអាហារ ដែលបានដាក់លក់នៅផ្សារព្រែកព្នៅ និងផ្សារស៊ិនជូរីផ្លាហ្សា ត្រូវបានរកឃើញពុំមានសារធាតុគីមីឡើយ នេះបើតាមការអះអាងរបស់មន្ត្រីសាខាកាំកុងត្រូល នៃអគ្គនាយកដ្ឋានកាំកុងត្រូលចំណុះឲ្យក្រសួងពាណិជ្ជកម្ម ដែលបានដឹកនាំមន្រ្តីកាំកុងត្រូលសាខាអាកាសយានដ្ឋានអន្តរជាតិភ្នំពេញ និងផែស្ងួតចុងទីភ្នំពេញ ចុះត្រួតពិនិត្យទំនិញប្រភេទម្ហូបអាហារនៅផ្សារទាំងពីរខាងលើ។ នេះបើយោងតាមក្រសួងពាណិជ្ជកម្ម។ នៅក្នុងផ្សារព្រែកព្នៅ មន្ត្រីកាំកុងត្រូល បានធ្វើការត្រួតពិនិត្យទំនិញម្ហូបអាហារវេចខ្ចប់ស្រាប់ កែច្នៃរួច និងធ្វើតេស្តបឋម លើមីលឿងស្រស់ បាញ់ហយ បាញ់កាញ់ នំបញ្ចុក ប្រហិតសាច់គោ…
