Tag: សាលាក្រុង

ព្រះសីហនុៈ អត់និយាយច្រើនដងទេ មន្រ្ដីសាលាក្រុង និងប្រជាការពារ ចុះចាប់រថយន្ដក្រុងកាពីតូល ១គ្រឿងនិងរថយន្ដផ្សេងទៀត ដែលចតគ្មានសណ្ដាប់ធ្នាប់ ។ សកម្មភាពចុះចាប់ដឹកនាំដោយ លោក លឹម ភត្រី នៅទីតាំងខាងលិច សួនច្បារអតីតមហោស្រព ក្នុងសង្កាត់លេខ២ ក្រុងព្រះសីហនុ ។ គ្រប់ម្ចាស់យាន្ដយន្ដទាំងអស់ សូមចូលរួមគោរពច្បាប់ និងកុំចតគ្មានសណ្ដាប់ធ្នាប់តទៅទៀត៕

ព្រះសីហនុៈ កាលពីថ្ងៃទី២១ ខែតុលា ឆ្នាំ២០១៩ រដ្ឋបាលក្រុងព្រះសីហនុ បានចុះរៀបចំសណ្តាប់ធ្នាប់ ចំពោះយានយន្ត និងសម្ភារៈ ដែលចត និងទុកដាក់នៅលើចិញ្ចើមផ្លូវគ្មានសណ្តាប់ធ្នាប់។ ជាលទ្ធផល៖ -ស្ទូចឡានចំនួន ០៥គ្រឿង -ឃាត់ម៉ូតូចំនួន ០៨គ្រឿង -ឃាត់យកផើងផ្កាមួយចំនួន។ បច្ចុប្បន្ន យានយន្តនិងសម្ភារៈទាំងអស់ បានបញ្ជូនទៅរក្សាទុកនៅសាលាក្រុងព្រះសីហនុ ដើម្បីដោះស្រាយតាមច្បាប់៕

បន្ទាយមានជ័យៈ ដើម្បីរៀបចំសណ្តាបធ្នាប់ របៀបរៀបរយក្នុងក្រុង ក៏ដូចជាសោភ័ណ្ឌភាពក្រុងទាំងមូល ឲ្យមានភាពស្រស់ស្អាត អភិបាលនៃគណៈអភិបាលក្រុងសិរីសោភ័ណ នឹងធ្វើការណែនាំដល់ម្ចាស់អាជីវកម្មបោកអ៊ុត ដែលមាននៅក្នុងក្រុងសិរីសោភ័ណ ពិសេសតាមបណ្តោយផ្លូវជាតិ ដោយមិនអនុញ្ញាត ឲ្យមានការហាលសម្លៀកបំពាក់តាមដងផ្លូវទៀតទេ នេះបើតាមការលើកឡើងរបស់លោក ហ៊ឹល រ៉ាយ៉ា អភិបាលនៃគណៈអភិបាលក្រុង សិរីសោភ័ណ នៅក្នុងកិច្ចប្រជុំ គណបញ្ជាឯកភាពរដ្ឋបាលក្រុង ដែលមានការចូលរួមពីសំណាក់គណអភិបាលរងក្រុង លោកអធិការក្រុងសិរីសោភ័ណ…

ព្រះសីហនុៈ នៅព្រឹកថ្ងៃទី១០ ខែកញ្ញា ឆ្នាំ២០១៩នេះ រដ្ឋបាលក្រុងព្រះសីហនុ ធ្វើការចុះរៀបចំសណ្តាប់ធ្នាប់ជុំវិញផ្សារលើ ក្រុងព្រះសីហនុ ចាប់យកម៉ូតូបានចំនួន ១៨គ្រឿង ម៉ូតូកង់បីមួយគ្រឿង និងរថយន្តចំនួនមួយគ្រឿង ដែលចតអនាធិបតេយ្យលើផ្លូវ យកទៅរក្សាទុកនៅសាលាក្រុងបណ្តោះអាសន្ន ដើម្បីបន្តនីតិវិធីច្បាប់៕

រតនគិរីៈ នាព្រឹកថ្ងៃទី០២ ខែកញ្ញា ឆ្នាំ២០១៩ ក្រុមការងារចុះត្រួតពិនិត្យស្លាកយីហោរួមមាន សាលាក្រុងបានលុង មន្ទីរព័ត៌មាន មន្ទីរវប្បធម៌ មន្ទីរពាណិជ្ជកម្ម សរុបមាន០៤អង្គភាព បានចុះណែនាំ និងអោយរុះរើ នូវទីតាំងអាជីវកម្មចំនួន០៣កន្លែងនៅសង្កាត់ឡាបានសៀក ក្រុងបានលុងដែល មានស្លាកយីហាប្រើអក្សរបរទេសធំជាង និងនៅពីលើអក្សរជាតិ ។ ក្រុមការងារបានតំរូវអោយម្ចាស់អាជីវកម្មលើកស្លាកយីហោត្រូវតែមានអក្សរជាតិធំជាង និងនៅពីលើអក្សរបរទេស៕  

ព្រះសីហនុៈ មានរថយន្ត ម៉ូតូរ៉ឺម៉ក និងម៉ូតូជាង១០គ្រឿង ត្រូវបានអជ្ញាធរសង្កាត់លេខ៣ ស្ទូចយកទៅរក្សាទុកនៅសាលាក្រុងព្រះសីហនុ នៅថ្ងៃ២៨ ខែសីហា ឆ្នាំ២០១៩នេះ ពេលចុះរៀចចំសណ្តាប់ធ្នាប់នៅតាមផ្លូវ (កំពេញ) ម្តុំខាងមុខសណ្ឋាគារស៊ីហ៊ូ ។ ដោយសារ យានយន្តទាំងអស់នេះឈប់ចតឥតសណ្តាប់ធ្នាប់ប៉ះពាល់ផ្លូវសាធារណៈ ដែលធ្វើឲ្យកំណាត់ផ្លូវនេះស្ទះចរាចរណ៍ញឹកញាប់ ៕

ព្រះសីហនុៈ នាព្រឹកថ្ងៃទី ២៧ ខែសីហា ឆ្នាំ២០១៩នេះ មន្រ្តីសាលាក្រុងព្រះសីហនុ ចុះចាប់ឡានដឹកកាកសំណល់សំណង់ខុសច្បាប់ ទីតាំងនៅកែងតុលាការចាស់ ស្ថិតក្នុងសង្កាត់៤ ក្រុង និងខេត្តព្រះសីហ។ សូមទាក់ទងក្រុមហ៊ុន ដែលមានសិទ្ធិដឹកកាកសំណល់សំណង់ឈ្មោះ សេង ទិត្យ (016 717773) ដែលទទួលបានអាជ្ញាប័ណ្ណដឹក ហើយយកទៅចាក់នៅទីលានត្រឹមត្រូវ។ ជៀសវាងជួលក្រុមហ៊ុនឡាន…

ព្រះសីហនុៈ នៅថ្ងៃទី២១ ខែសីហា ឆ្នាំ២០១៩ រដ្ឋបាលក្រុងព្រះសីហនុ បានចាប់ឡានចំនួន ០៨គ្រឿង ដែលចតលើផ្លូវគ្មានសណ្តាប់ធ្នាប់ យកមករក្សាទុកនៅសាលាក្រុង៕