ក្រុមហ៊ុន Microsoft កំពុងបង្កើតភាពងាយស្រួល សម្រាប់ធ្វើការជាមួយកម្មវិធីធ្វើបទបង្ហាញ PowerPoint ។ កម្មវិធី PowerPoint នៅលើប្រព័ន្ធប្រតិបត្តិការ Windows ឥឡូវនេះគាំទ្រដល់ការកែសម្រួលដោយរួមសហការគ្នា (Collaborative Editing) ដែលអនុញ្ញាតឲ្យមនុស្សពីរ ឬច្រើនបើកចូលក្នុងឯកសារតែមួយស្របពេលគ្នា មិនចាំបាច់នៅកន្លែងតែមួយ និងអាចធ្វើការកែសម្រួល និងបញ្ចេញយោបល់រវាងគ្នា លក្ខណៈជាក្រុមតែម្តង។

នេះជាអ្វីដែលនិស្សិតមួយចំនួនប្រាថ្នាចង់បាន សម្រាប់ការធ្វើការស្រាវជ្រាវ (Assignment) ដែលពីមុនមកវាដំណើរការ សម្រាប់ Office លើបណ្តាញតែប៉ុណ្ណោះ កាលពីមួយឆ្នាំមុន។
ការធ្វើការជាក្រុមក្នុងការកែសម្រួលអត្ថបទតែមួយស្របពេលគ្នានេះ វាបានដំណើរការនៅលើ Office Suit (Word, Excel, PowerPoint)ទាំងមូលខណៈពេលនេះ។ របៀបប្រើប្រាស់ជាភាសាខ្មែរ @PostTechMedia នឹងមានចេញជូនក្នុងពេលឆាប់ៗនេះ!

សូមបញ្ជាក់៖ មុខងារថ្មីនេះតម្រូវឲ្យមានអ៊ិនធឺណិត ទើបអាចដំណើរការបាន៕