តៃវ៉ាន់ ដែលជាទីតាំងក្រុមហ៊ុន Foxconn ដំឡើងទូរស័ព្ទដៃ iPhone បាននិយាយថា នឹងធ្វើការពិចារណា បណ្តាក់ទុនក្នុងទឹកប្រាក់យ៉ាងច្រើនចំនួន ៧ ពាន់លានដុល្លារ ចូលទៅក្នុងការពង្រីកដំណើរការក្រុមហ៊ុនដ៏ធំធេង របស់ខ្លួន ស្ថិតនៅក្នុងសហរដ្ឋអាមេរិក ក៏ដូចជាការបង្កើតឱកាសការងារចំនួន ៥០,០០០ កន្លែង ក្នុងរយៈពេល៤ឆ្នាំខាងមុខផងដែរ នេះបើយោងតាមសេចក្តីរាយការណ៍ Reuters កាលពីថ្ងៃពុធ។

ក្រុមហ៊ុន Foxconn បានឲ្យដឹងថា ខ្លួនកំពុងតែបង្កើតការប្រមូលផ្តុំ រោងចក្រដំឡើងដែលមានទីតាំង នៅឯសហរដ្ឋអាមេរិក។ ក្រុមហ៊ុននេះ បានបញ្ជាក់ប្រាប់ថា ពួកគេកំពុងតែធ្វើការប្រកាសអំពីកិច្ចពិភាក្សាទាក់ទង និងការពង្រីកដំណើរការក្រុមហ៊ុនរបស់ខ្លួន នៅឯសហរដ្ឋអាមេរិក។

សេចក្តីថ្លែងការណ៍របស់ក្រុមហ៊ុន Foxconn បានលើកឡើងថា «ខ្លួនជឿថា ក្រុមហ៊ុនផលិតកម្មជាច្រើន ក៏នឹងអាចត្រឡប់មក សហរដ្ឋអាមេរិកវិញដូចគ្នា ជាចម្បងដោយសារតែធាតុពិត គឺប្រធានាធិបតីជាប់ឆ្នោត លោក Donald Trump កំពុងតែទាញដៃក្រុមហ៊ុន Apple ឲ្យត្រឡប់មកសហរដ្ឋវិញ»។

ក្រុមហ៊ុន Foxconn បច្ចុប្បន្ននេះ ដំណើរការផលិតកម្មមានទីតាំងស្ថិតនៅក្នុងរដ្ឋ Virginia និង Indiana ហើយសម្រេចផលិតផលចេញនៅក្នុង រដ្ឋ California និង Texas៕