បច្ចុប្បន្ន វីដេអូគួរឱ្យចាប់អារម្មណ៍កាន់តែច្រើនឡើងៗ ត្រូវបានដាក់បង្ហោះ និងចែកបន្តលើបណ្តាញសង្គម Facebook ប៉ុន្តែ វាមិនត្រូវបានអនុញ្ញាតឱ្យទាញយកមកផ្ទុកក្នុងទូរស័ព្ទដូចជារូបភាពនោះទេ។ ប៉ុន្តែ Post Tech មានវិធីមួយអាចឱ្យលោកអ្នកធ្វើរឿងនេះបាន និងដោយងាយស្រួលបំផុត គឺតាមរយៈកម្មវិធី MyMedia ដែលអាចទាញយកមកប្រើប្រាស់បានដោយសេរីពី AppStore។

របៀបអនុវត្ត៖

១– ទាញយក និងដំឡើងកម្មវិធីឈ្មោះ MyMedia ពីក្នុង AppStore

២– បើកកម្មវិធី Facebook រួចស្វែងរកវីដេអូដែលលោកអ្នកចង់ទាញយក
៣– សូមចុចបើកវីដេអូនោះ ហើយចុចលើ​ជម្រើស ‘Share’ រួចជ្រើសរើសយក Copy Link ដើម្បីចម្លងអាសយដ្ឋានរបស់វីដេអូទុក។

៤– សូមបើកកម្មវិធី MyMedia វានឹងផ្តល់ឱ្យលោកអ្នកនូវមឺនុយ Browser មួយ។
៥– សូមចុចលើមឺនុយ Browser នោះ រួចវាយអាសយដ្ឋាន savefrom.net រួចទម្លាក់ (ចុច paste) អាសយដ្ឋានវីដេអូខាងលើក្នុងប្រអប់ URL ហើយចុចលើប៊ូតុង ‘>’។
៦– សូមជ្រើសរើសកម្រិតភាពច្បាស់របស់វីដេអូ (HD ឬ SD ទៅតាមវីដេអូដែលលោកអ្នកទាញយក) រួចចុចលើប៊ូតុង Download។

បញ្ជាក់ៈ ត្រង់ចំណុចនេះ បើវាលោតចេញ ‘download link is not found’ សូមលោកអ្នកត្រឡប់ទៅចំណុចទី ៥ រួចប្តូរអាសយដ្ឋានគេហទំព័រពី ‘savefrom.net’ ទៅ ‘downfacebook.com’ ហើយអនុវត្តជំហានបន្តបន្ទាប់ម្តងទៀត។

៧– បន្ទាប់មក សូមដាក់ឈ្មោះឱ្យវីដេអូ រួចចុចលើប៊ូតុង Download រួចឯកសារវីដេអូនឹងរត់ចូលក្នុងមឺនុយ Media។

​​​​​ ​

៨- សូមចុចលើមឺនុយ Media នេះ រួចជ្រើសរើសឯកសារវីដេអូដែលលោកអ្នកទើបទាញយកដោយចុចលើប៊ូតុង ‘i’ ខាងស្តាំវីដេអូ ហើយជ្រើសរើសយក Save to Camera Roll ជាការស្រេច៕

https://www.youtube.com/watch?v=JQcXBQ3bO8o