Post News Media ព័ត៌មានបច្ចេកវិទ្យា គូប្រជែង Face...

គូប្រជែង Facebook កំពុងមានសន្ទុះងើបឡើងយ៉ាងខ្លាំង

LinkedIn គឺជាបណ្តាញទំនាក់ទំនងសង្គមមួយ ថ្មីៗនេះត្រូវបានក្រុមហ៊ុនយក្ស Microsoft ទិញយក ដោយសារមើលឃើញពីអត្ថប្រយោជន៍របស់វាជាច្រើន។

បណ្តាញសង្គមថ្មីនេះ បានប្រកាសថា ខ្លួនមានសមាជិកជាង ៥០០ លាននាក់ហើយកំពុងប្រើប្រាស់ ហើយនេះជាសន្ទុះមួយយ៉ាងខ្លាំងខ្លា ប៉ុន្តែ ជាក់ស្តែងវាមិនទាន់ប្រកៀកប្រកិតគ្នាជាមួយ Facebook នៅឡើយទេ។ យ៉ាងណាក្តី វាគឺជាបណ្តាញសង្គមមួយដែលអ្នកគួរប្រើ ដោយសារតែ LinkedIn មានអ្នកចុះបញ្ជីការងារជាង ១០ លាននាក់ ហើយនិងមានក្រុមហ៊ុនជាង ៩ លានស្ថាប័នកំពុងស្វែងរកបុគ្គលិកនៅទីនោះ។

លើសពីនេះ អ្នកប្រើប្រាស់មួយចំនួនក៏បានបង្កើតជាមាតិកាលើ LinkedIn ជាច្រើនផងដែរ។ ជាការពិតណាស់ ជាង ១ សែន អត្ថបទត្រូវបានបង្ហោះផ្សាយជារៀងរាល់សប្តាហ៍នៅលើបណ្តាញសង្គមថ្មីមួយនេះ។

គួរបញ្ជាក់ថា អ្នកប្រើប្រាស់ជាង ៥០០ លាននាក់នោះ មានប្រភពចេញពីបណ្តាប្រទេសជាង ២០០ ផ្សេងៗពីគ្នា។

@ចូលទៅកាន់បណ្តាញសង្គម LinkedIn ដោយចុចត្រង់នេះ!

ប្រភព៖ gsmarena.com

Loading...