Post News Media ព័ត៌មានបច្ចេកវិទ្យា ប៉ាតង់ថ្មីរបស...

ប៉ាតង់ថ្មីរបស់ Apple បង្ហាញថា iPhone ក្រោយ អាចជួយលោកអ្នកទទួលទានដំណេកកាន់តែស្កប់ស្កល់

តាមរយ:រូបគំរូប៉ាតង់ថ្មីមួយរបស់ក្រុមហ៊ុន Apple ទើបទទួលបានអាជ្ញាបណ្ណ​ពីគណកម្មការប៉ាតង់អាមេរិក USPTO បង្ហាញថា ទូរសព្ទ iPhone ថ្ងៃអនាគតដ៏ខ្លីខាងមុខ នឹងអាចជួយឱ្យអ្នកប្រើប្រាស់គេងលក់បានកាន់តែល្អប្រសើរ។

ក្រុមហ៊ុនបច្ចេកវិទ្យាយក្សអាមេរិក នឹងបំពាក់ប្រព័ន្ធថ្មីនៅលើទូរសព្ទដៃ iPhone ដែលវាអាចប្រមូលទិន្នន័យពេលម៉ោងលោកអ្នកភ្ញាក់ពីដំណេក និងឋិតក្នុងដំណេក ដើម្បីជំរុញឱ្យទម្លាប់នៃការទទួលទានដំណេកប្រព្រឹត្តទៅត្រឹមត្រូវតាមក្បូនខ្នាតវេជ្ជសាស្រ្ត។

ឯកសារប៉ាតង់នោះព័រណ៍នាបន្ថែមថា Apple នឹងប្រើវិធីសាស្រ្តថ្មី ដើម្បីគ្រប់គ្រងម៉ោងរោទិ៍ និងសារផ្តល់ដំណឹងដោយស្វ័យប្រវតិ្ត ហើយរៀបចំពេលវេលាគេងនៅពេលយប់ និងក្រោកពីដំណេកនៅពេលព្រឹក ឱ្យបានកាន់តែប្រសើរ សម្រាប់អ្នកប្រើប្រាស់ម្នាក់ៗ។

ប្រព័ន្ធតាមដានដំណេកថ្មីនោះ ដំណើរការទៅបានតាមឧបករណ៍ចាប់សញ្ញា ឬហៅ​ថាអង្គញាណ Biometric និងទិន្នន័យប្រមូលបានពីឧបករណ៍ដែលអាចជា iPhone ឬ Smartwatch ដើម្បីរៀបចំកាលវិភាគដំណេកដ៏សមរម្យមួយ៕

សូមរំឭកថា Apple ត្រូវគេរាយការណ៍ថា នឹងផ្តោតសំខាន់ខ្លាំងទៅលើមុខងារគាំពារសុខភាពតាមរយ:ផលិត iOS Devices ជំនាន់បន្ទាប់របស់ខ្លួន ហើយក្នុងនោះ ក៏មានដែរគម្រោងកែប្រែ iPhone ទៅជាគ្លីនិកសុខភាពប្រចាំកាយក្នុងដៃរបស់អ្នកប្រើប្រាស់

ប្រែសម្រួល: សេង, ប្រភព: mashable