ក្រុមហ៊ុន Apple ទើបបើកឱ្យអ្នកប្រើប្រាស់ទូរសព្ទ iPhone ទូទៅ អាចដំឡើងប្រើប្រព័ន្ធ iOS 11 ជំនាន់សាកល្បងរបស់ខ្លួន ដែលកំពុងឋិតក្នុងដំណាក់កាលទីពីរ។ កាលពីជំនាន់សាកល្បងដំណាក់កាលដំបូង វាដំណើរការមិនសូវស្រួលនោះទេ ប៉ុន្តែ​ ជាមួយ Beta 2 គឺវាមានប្រតិបត្តិការរលូនល្អគ្រាន់បើ។

ដូច្នេះ បើលោកអ្នកអន្ទសាមិនអាចរងចាំរហូតដល់ជំនាន់សម្រេចរបស់វាចេញ អាចទាញយក និងដំឡើងប្រើសាកល្បងប្រព័ន្ធ iOS 11 នេះជាមុនបាន តាមវិធីដែល Post Tech លើកយកមកបង្ហាញខាងក្រោម។

តម្រូវការអនុវត្ត៖

• ទូរសព្ទ iPhone ត្រូវភ្ជាប់អិុនធើណែតតាមប្រព័ន្ធ Wi-Fi
• ទូរសព្ទ iPhone ត្រូវមាននៅសល់ថាមពលថ្មចាប់ពី ៥០% ឡើង
• iPhone ត្រូវចាប់ពីស៊េរី 5s ឡើងទៅ

របៀបអនុវត្ត៖

• ចូលទៅកាន់កម្មវិធី​ Safari រួចវាយអាសយដ្ឋាន apple.com រួចចុចលើប៊ូតុង Sign Up
• បន្ទាប់មក វាយបញ្ចូលឈ្មោះ និងលេខសម្ងាត់គណនី Apple ID ផ្ទាល់ខ្លួនរបស់លោកអ្នក
• បន្ទាប់មកទៀត លោកអ្នកត្រូវចុចយល់ព្រមលើលក្ខន្តិកៈរបស់ Apple ដោយចុចលើប៊ូតុង Accept

• ជាបន្ត សូមទាញរបារកម្មវិធីខាងលើមកខាងស្តាំ រួចចុចលើ Enroll Your Devices ហើយចុចលើ iOS
• បន្ទាប់មក សូមអូសផ្ទាំងកម្មវិធីចុះមកខាងក្រោម រួចចុចលើប៊ូតុង Download Profile ហើយចុចលើ iPhone -> Install -> Install -> Restart

• បន្ទាប់ពីទូរសព្ទបិទ/បើករួចហើយ សូមចូលទៅកាន់កម្មវិធី Settings -> General -> Software Update ហើយចុចលើ Download and Install។

• ជាចុងក្រោយ សូមរងចាំរហូតដល់ដំណើរការទាញយកចប់ ដែលវានឹងមានរយៈពេលលឿន ឬឆាប់តាមល្បឿនអិុនធើណែត Wi-Fi របស់លោកអ្នក រួចចុច Activate កម្មវិធីតាមលំដាប់លំដោយ តាមការណែនាំ និងទាញទារ ជាការស្រេច។

បញ្ជាក់ៈ ដើម្បីសុវត្ថិភាពទិន្នន័យលើទូរសព្ទ លោកអ្នកគួរទាញវាទៅរក្សាទុក មុនពេលចាប់ផ្តើមដំឡើងទៅកាន់ iOS 11 ជំនាន់សាកល្បងបាន តាមវិធីនេះ របៀបទាញទិន្នន័យលើ iPhone ទៅរក្សាទុក និងទាញយកមកប្រើ​វិញ ដោយមិនចាំ​បាច់​ប្រើកុំព្យូទ័រ និងបើចង់ទម្លាក់វាមកកាន់ iOS 10 វិញ អាចធ្វើតាមវិធីនេះ វិធីទម្លាក់ iOS 11 មកកាន់ iOS 10៕