AirDrop គឺជាមុខងារដែលអាចផ្តល់មធ្យោបាយដល់លោកអ្នកក្នុងការចែកចាយឯកសារទៅវិញទៅមករវាង iOS Devices (iPhone, iPad, & iPod Touch) បានភ្លាមៗដោយមិនចាំបាច់ភ្ជាប់អិុនធើណែតប្រព័ន្ធតាម WiFi ឬ 4G/3G។ មុខងារនេះ ត្រូវបានរក្សាទុកនៅដដែលលើប្រព័ន្ធ iOS 11 ប៉ុន្តែ មានការផ្លាស់ប្តូរផ្នែកខ្លះនៅពេលដែលលោកអ្នកចង់បើកវាប្រើ។ ដើម្បីធ្វើដូចនេះបានប្រិយមិត្តអាចអនុត្តតានជំហានដែល Post Tech បង្ហាញជូនដូចខាងក្រោម៖

១- របៀបបើកដំណើរការ និងគ្រប់គ្រង AirDrop
– អូសផ្ទាំង Control Center ចេញពីអេក្រង់ខាងក្រោមឡើងលើ
– ចុចសង្កត់ (សម្រាប់ iPhone ម៉ូឌែល 6s ឡើង) ឬចុចជាប់ (សម្រាប់ iPad ឬ iPhone ស៊េរីទាបជាង 6s) នៅលើប្រអប់កុងតាក់បិទ/បើកប្រព័ន្ធឥតខ្សែ ដែលឋិតនៅខាងឆ្វេងនៃផ្ទាំង Control Center

– ចុចលើ AirDrop
– ជ្រើសរើសអ្នកដែលអាចផ្ញើឯកសារមកអ្នកតាម AirDrop ដោយចុចលើ Receiving Off, Contacts Only, ឬ Everyone

២- របៀបចែកចាយឯកសារតាម AirDrop
– ចូលទៅកាន់កម្មវិធីដែលលោកអ្នកចង់ចែកចាយឯកសារក្នុងកម្មវិធីនោះទៅឱ្យ iPhone ឬ iPad របស់អ្នកដទៃ (ឧ. កម្មវិធី Photos)
– ជ្រើសរើសរូបថត-វីដេអូដែលលោកអ្នកចង់ចែកចាយ

– ចុចលើប៊ូតុង Share (រាងជាប្រអប់មានសញ្ញាព្រួញឡើងលើ ឬជូនកាលដាក់ពាក្យថា​ Share)
– ចុចលើរូបតំណាងអ្នកដែលលោកអ្នកចង់ផ្ញើទៅកាន់ នៅពេលដែលរូបនោះបង្ហាញឡើងជាជួរក្នុង AirDrop
– ចុចបញ្ជូន ជាការស្រេច៕

ប្រភពព័ត៌មានៈ imore