Post News Media ព័ត៌មានបច្ចេកវិទ្យា Apple: ចង់បាន...

Apple: ចង់បាន iPhone X ប្រើ ទាល់តែស៊ូមកតម្រង់ជួរឱ្យបានមុនពេល!

ក្រុមហ៊ុន Apple និយាយថា អតិថិជនដែលគ្រោងចង់ជាវ iPhone X មកប្រើនៅថ្ងៃសុក្រ សប្តាហ៍ក្រោយ នៅតាមបណ្តាហាងរបស់ខ្លួន គួរតែធ្វើយ៉ាងណាទៅឱ្យដល់ទីនោះដើម្បីតម្រង់ជួរឱ្យបានមុនពេល។

ក្រុមហ៊ុនបញ្ជាក់ថា ហាង Apple Store ​ផ្លូវការទាំងនោះ នឹងមាន​ iPhone X ក្នុងស្តុកនៅថ្ងៃសុក្រ ទី ៣ វិច្ឆិកា ខាងមុខ។ បន្ថែមពីលើនេះ ក្រុមហ៊ុនថ្លែងថា ការបើកឱ្យអតិថិជនកម្ម៉ង់ទិញទុកមុន គឺថ្ងៃសុក្រ ទី ២៧ តុលា នេះ។ ដោយឡែក ហាង Apple នឹងចាប់បើកនៅម៉ោង ៨ ព្រឹក ម៉ោងនៅក្នុងតំបន់ជុំវិញពិភព​លោក។

គួរបញ្ជាក់ថា ក្រុមហ៊ុន Apple ត្រូវគេរាយការណ៍ថា​ កំពុងជួបបញ្ហាកង្វះទំនិញ iPhone X សម្រាប់បំពេញតម្រូវការទីផ្សារ ដោយស្តុកទូរសព្ទដ៏ថ្លៃមួយនេះ នឹងមានចំនួនដ៏កំណត់ត្រឹម ២ ទៅ ៣ លានគ្រឿងប៉ុណ្ណោះ សម្រាប់ទីផ្សារសកល ក្នុងរយ:ពេលចេញលក់សប្តាហ៍ដំបូង។ ដូច្នេះ បើអតិថិជនទៅតម្រង់ជួរទិញក្រោយគេ នោះច្បាស់ជាមិនបានប្រើនោះទេ៕

របាយការណ៍ថ្មី: Apple កំពុងប្រឈមបញ្ហាធំបំផុតចំនួនពីរ

ប្រភពព័ត៌មាន: cnet

Loading...