យោងតាមរបាយការណ៍ព័ត៌មានពី Mashable បានឱ្យដឹងថា ក្រុមហ៊ុន Google កំពុងសាកល្បងមុខងារថ្មីមួយសម្រាប់កម្មវិធី YouTube របស់ខ្លួន ឱ្យអាចលុបបំបាត់ផ្ទៃវត្ថុនៅក្នុងវីដេអូឃ្លីបមួយ ហើយដាក់ជំនួសមកវិញនូវរូបភាពថ្មី តាមការចង់បាន។

ប្រភពដដែលបន្ថែមថា ក្រុមវិស្វករ Google បានអភិវឌ្ឍនូវឧបករណ៍ថ្មីមួយ ដើរដោយប្រព័ន្ធបច្ចេកវិទ្យា AI និង Machine Learning ដើម្បីកាត់តម្រឹមរូបភាពវត្ថុ និងផ្ទៃខាងក្រោយរបស់វានៅក្នុងវីដេអូ ដូចជាពេលថតនៅពីមុខផ្ទាំងសំពត់បៃតងអីចឹងដែរ។

ក្រុមហ៊ុនបានដាក់ឈ្មោះមុខងារកំពុងសាកល្បងនោះថា “ការកាត់ផ្តាច់វីដេអូក្នុងពេលវេលាជាក់ស្តែងលើទូរសព្ទ” ហើយវានឹងផ្តល់ភាពងាយស្រួលខ្លាំងក្នុងការកែវីដេអូលើស្មាតហ្វូន ដោយការលប់បំបាត់នូវផ្ទាំងរូបភាពខាងក្រោយដែលលោកអ្នកមិនពេញចិត្ត ហើយដាក់ជំនួសផ្ទាំងថ្មីមួយតាមការចង់បាន៕

ប្រភពព័ត៌មានៈ mashable