អាមេរិក: នៅថ្ងៃនេះ បណ្ដាញទំនាក់ទំនងសង្គម Facebook បានប្រកាសឲ្យដឹងពីមុខងារថ្មីមួយទៀត ដែលអស្ចារ្យ និងកាន់តែធ្វើឲ្យអ្នកប្រើប្រាស់ងាយស្រួល ប៉ុន្តែក៏បានសម្លាប់ក្រុមហ៊ុនមួយចំនួនផ្សេងទៀតដែរ។
មុខងារថ្មីនោះគឺ «Marketplace» ដោយលក្ខណ:ពិសេសថ្មីនេះ នឹងត្រូវដាក់ឲ្យប្រើទាំងនៅលើ iOS និង Android ដោយក្នុងនោះអ្នកប្រើប្រាស់អាចធ្វើការទិញ និងលក់នូវផលិតផលអ្វីក៏បាន ជាពិសេសគឺងាយស្រួលបំផុត គ្រាន់តែស្វែងរកនូវអ្វីដែលចង់ទិញ និងថតបង្ហោះនូវអ្វីដែលចង់លក់គឺជាការស្រេច។
តាមការបញ្ជាក់ពី Facebook ផ្ទាល់បានឲ្យដឹងថា មុខងារ «Marketplace» នឹងត្រូវបន្ថែមចូលទៅកាន់កម្មវិធី Facebook app នាពេលឆាប់ខាងមុខនេះ ហើយលក្ខណ:ពិសេសមួយទៀតរបស់វា គឺនៅរាល់ពេលចូលទៅកាន់ «Marketplace» នោះអ្នកប្រើប្រាស់នឹងបានឃើញនូវផលិតផលដែលគេដាក់លក់ ដែលមានទីតាំងនៅជិតអ្នកបំផុត។
«Marketplace» ត្រូវបាន Facebook អះអាងថា នឹងត្រូវដាក់ឲ្យប្រើនៅប្រទេសចំនួន ៤ ដើម្បីជាការសាកល្បង ក្នុងនោះមាន អូស្ត្រាលី នូវែលហ្សេឡង់ ចក្រភពអង់គ្លេស និងសហរដ្ឋអាមេរិក។
គួរបញ្ជាក់ផងដែរថា បើសិនជា Facebook ដាក់ឲ្យប្រើប្រាស់មុខងារ «Marketplace» នៅជុំវិញពិភពលោកមែននោះ មានន័យថា Facebook ចាប់ផ្ដើមសម្លាប់ក្រុមហ៊ុនលក់ទំនិញអនឡាញជាបណ្ដើរៗ ព្រោះថាបច្ចុប្បន្ន Facebook មានអ្នកប្រើប្រាស់រហូតដល់ជាង ១.៦ពាន់លាននាក់ ហើយបើតាមការស្រាវជ្រាវបានបង្ហាញថា មនុស្សម្នាក់បានចំណាយពេល ២ ទៅ៣ម៉ោងក្នុងមួយថ្ងៃ ដើម្បីលេង Facebook៕
ទស្សនាវីដេអូ៖
មតិយោបល់