-

របៀបចាក់សោកម្មវិធី Notes នៅលើ iPhone និង iPad

Notes គឺជាកម្មវិធីកំណត់ចំណាំ ដែលភ្ជាប់មកស្រាប់នៅលើប្រព័ន្ធប្រតិបត្តិ iOS តាំងពីជំនាន់ដំបូងមកទល់ពេលនេះ។ ប៉ុន្តែមុខងារចាក់សោការពាររាល់ទិន្នន័យដែលមាននៅក្នុង Notes ទើបតែចេញមកទេ នៅលើប្រព័ន្ធ iOS ចាប់ពីជំនាន់ ឡើងទៅ។

រាល់ទិន្នន័យដែលត្រូវបានកត់ត្រានៅក្នុងកម្មវិធី Notes សុទ្ធសឹងតែជាទិន្នន័យសំខាន់ និងសម្ងាត់ ដូចនេះអ្នកប្រាកដជាចង់ចាក់សោការពារទិន្នន័យទាំងនោះ ឲ្យមានសុវត្ថិភាពខ្ពស់ហើយមើលទៅ។

របៀបបង្កើតលេខកូដសម្ងាត់សម្រាប់ចាក់សោក្នុងកម្មវិធី Notes

១ – បើកកម្មវិធី Notes

២ – ចុចលើកំណត់ចំណាំណាមួយ ឬវាយបញ្ចូលកំណត់ចំណាំថ្មីមួយ

៣ – ចុចលើប៊ូតុង Share ដែលមានរូបតាងរាងជ្រុង និងព្រួញបាញ់ឡើងលើ

៤ – ចុចលើពាក្យថា Lock Note

៥ – វាយបញ្ចូលលេខកូដសម្ងាត់ (ចំណាំ៖ លេខកូដនេះនឹងត្រូវប្រើលើរាល់កំណត់ចំណាំទាំងអស់)

៦ – វាយបញ្ចូលលេខកូដសម្ងាត់ដដែលម្តងទៀត​ ត្រង់ប្រអប់ Verify ដើម្បីបញ្ជាក់ដំណើរការ

៧ – វាយបញ្ចូលពាក្យពេចន៍ដែលអាចរំលឹកអំពីលេខកូដសម្ងាត់បាន នៅត្រង់ប្រអប់ Hint

៨ – ទាញបើកប៊ូតុង Use Touch ID ប្រសិនបើអ្នកចង់ប្រើក្រយៅដៃមកស្កេនជំនួសលេខកូដ

របៀបដោះសោកំណត់ចំណាំនៅក្នុងកម្មវិធី Notes

១ – បើកកម្មវិធី Notes

២ – ចុចលើកំណត់ចំណាំណាមួយ ដែលចង់ដោះសោ ឬបើកមើល

៣ -​ ចុចលើពាក្យថា ទស្សនា Note អក្សរពណ៌លឿង

៤ – ចុចលើប៊ូតុង Enter Password

៥ – វាយបញ្ចូលលេខកូដសម្ងាត់ដែលបានដាក់ពីគ្រាមុន

៦ – ភ្លាមនោះសោនឹងត្រូវបានដោះចេញនៅលើកំណត់ចំណាំមួយនេះ

៧ – ប្រសិនបើអ្នកចង់ចាក់សោកំណត់ចំណាំមួយនេះវិញ អ្នកគ្រាន់តែចុចត្រង់ប៊ូតុង ដែលមានរូបតាង មេសោ នោះកំណត់ចំណាំនឹងត្រូវបានចាក់សោវិញភ្លាម។

របៀបផ្លាស់ប្តូរលេខកូដសម្ងាត់នៅក្នុងកម្មវិធី Notes

១ – បើកកម្មវិធី Settings

២ – ចុចលើកម្មវិធី Notes

៣ – ចុចលើពាក្យ Password

៤ – ចុចលើពាក្យ Change Password

៥ -​ វាយលេខកូដសម្ងាត់ចាស់ ត្រង់ប្រអប់ Old Password

៦ – វាយបញ្ចូលលេខកូដសម្ងាត់ (ចំណាំ៖ លេខកូដនេះនឹងត្រូវប្រើលើរាល់កំណត់ចំណាំទាំងអស់)

៧ – វាយបញ្ចូលលេខកូដសម្ងាត់ដដែលម្តងទៀត​ ត្រង់ប្រអប់ Verify ដើម្បីបញ្ជាក់ដំណើរការ

៨ – វាយបញ្ចូលពាក្យពេចន៍ដែលអាចរំលឹកអំពីលេខកូដសម្ងាត់បាន នៅត្រង់ប្រអប់ Hint

៩ – ចុចលើពាក្យថា Done ដើម្បីបញ្ចប់ដំណើរការ

របៀបផ្តាច់លេខកូដសម្ងាត់នៅក្នុងកម្មវិធី Notes

ប្រសិនបើអ្នកបានភ្លេចលេខកូដសម្ងាត់នៅលើកម្មវិធី Notes អ្នកអាចប្រើលេខកូដសម្ងាត់របស់ Apple ID មកជំនួសបានក្នុងវិធីសាស្រ្តមួយនេះ។

១ – បើកកម្មវិធី Settings

២ – ចុចលើកម្មវិធី Notes

៣ – ចុចលើពាក្យ Password

៤ – ចុចលើពាក្យ Reset Password

៥ – វាយបញ្ចូលលេខកូដសម្ងាត់ Apple ID ( ជាលេខកូដដែលអ្នកប្រើសម្រាប់ទិញកម្មវិធីនៅលើ AppStore )

៦ – វាយបញ្ចូលលេខកូដសម្ងាត់ដដែលម្តងទៀត​ ត្រង់ប្រអប់ Verify ដើម្បីបញ្ជាក់ដំណើរការ

៧ – វាយបញ្ចូលពាក្យពេចន៍ដែលអាចរំលឹកអំពីលេខកូដសម្ងាត់បាន នៅត្រង់ប្រអប់ Hint

៨ – ចុចលើពាក្យថា Done ដើម្បីបញ្ចប់ដំណើរការ

 

អានអត្ថបទពាក់ព័ន្ធផ្សេងៗ៖

  1. របៀបបង្កើត Ringtones នៅលើ iPhone តាមវិធីងាយៗ
  1. របៀបប្រើប្រាស់ Bitmoji បង្កើតទម្រង់មុខផ្ទាល់ខ្លួន សម្រាប់ផ្ញើរទៅកាន់មនុស្សជាទីស្រលាញ់
  1. របៀបប្រើមុខងារ Do Not Disturb ដ៏មានសារ:សំខាន់ ដែលអ្នកមិនដឹង
  1. របៀបស្វែងរកម្ចាស់ iPhone ក្រោយពេលដែលយើងរើសបានវា
  1. របៀបដំឡើងប្រើ iPhone ទើបទិញថ្មី ឲ្យត្រឹមត្រូវតាមស្តង់ដាអ្នកជំនាញ

មតិយោបល់