ព័ត៌មានសុខភាព

ស្រីៗយើងគួរតែដឹង! បំបៅដោះកូន អាចកាត់បន្ថយហានិភ័យនៃជំងឺគាំងបេះដូង

ការបំបៅដោះកូនអាចកាត់បន្ថយហានិភ័យនៃជំងឺគាំងបេះដូង និងជំងឺដាច់សរសៃឈាមខួរក្បាល នៅពេលដែលអ្នកម្តាយចាស់ទៅ នេះបើយោងតាមការស្រាវជ្រាវថ្មីមួយ។

ការសិក្សាដែលបានចុះផ្សាយនៅក្នុងកាសែត American Heart Association បានបង្ហាញថា ស្ត្រីដែលចិញ្ចឹមកូនដោយទឹកដោះ អាចកាត់បន្ថយហានិភ័យវិវត្តទៅរកជំងឺបេះដូង ឬជំងឺដាច់សរសៃឈាមខួរក្បាលប្រមាណជា ១០ភាគរយទៅថ្ងៃក្រោយ។

លោកសាស្ត្រាចារ្យ Peters ដែលជាអ្នកស្រាវជ្រាវនៅសាលកវិទ្យាល័យ Oxford បានពន្យល់ថា «នៅក្នុងអំឡុងពេលមានផ្ទៃពោះ ការរំលាយអាហាររបស់ស្ត្រីត្រូវមានការផ្លាស់ប្តូរយ៉ាងខ្លាំង ខណ:ដែលជាតិខ្លាញ់ត្រូវរក្សាទុកក្នុងរាងកាយកាន់តែច្រើន ដើម្បីផ្គត់ផ្គង់ថាមពលចាំបាច់សម្រាប់ការរីកលូតលាស់របស់ទារក។ ប៉ុន្តែនៅពេលដែលបំបៅដោះកូន ខ្លាញ់ទាំងនោះនឹងស្រកអស់ទៅវិញទាំងស្រុង»។

ការសិក្សានេះ បានវិភាគទិន្នន័យទៅលើស្ត្រីជនជាតិចិនចំនួន ២៨៩,៥៧៣នាក់ បន្ទាប់ពីការសិក្សាលើកមុនរកឃើញថា ស្ត្រីដែលបានបំបៅដោះកូនក្នុងរយ:ពេលខ្លីអាចទទួលបានអត្ថបរ្យោជន៍ដូចជា ស្រកទម្ងន់ កាត់បន្ថយជាតិខ្លាញ់ក្នុងរាងកាយ បញ្ចុះសម្ពាធឈាម និងជាតិស្ករក្នុងឈាម។

លោកសាស្ត្រាចារ្យ Zhengming Chen ដែលជាអ្នកជំនាញរោគរាតត្បាតនៃសាកលវិទ្យាល័យ Oxford ក៏បានបង្ហាញថាដែលថា «ការរកឃើញនេះ បានជួយជំរុញឲ្យស្ត្រីគ្រប់រូបយកចិត្តទុកដាក់ចំពោះកាត់បំបៅដោះឲ្យបានច្រើន ដើម្បីជាប្រយោជន៍ទាំងកូន និងម្តាយទៅថ្ងៃក្រោយ»៕

ប្រភព: boldsky

មតិយោបល់