ជប៉ុន: ទីភ្នាក់ងារឧតុនិយមជប៉ុន (JMA) នៅថ្ងៃអង្គារនេះ បានព្រមានពីរលកខ្ពស់ និងទឹកជំនន់ ដោយសារព្យុះទីហ្វុង ឈ្មោះ Mindulle នឹងបង្កឲ្យមានភ្លៀងធ្លាក់ខ្លាំង វាយប្រហារក្នុងតំបន់ជាច្រើន នៅភាគខាងជើងប្រទេសជប៉ុន បន្ទាប់ពីរងការបំផ្លាញ នៅតំបន់ Kanto រួមទាំងរដ្ឋធានីប្រទេសនេះផង។ នេះបើយោងតាមរយ: សារព័ត៌មានចិនស៊ិនហួ ចេញផ្សាយនៅថ្ងៃទី២៣ ខែសីហា ឆ្នាំ២០១៦។

បើយោងតាម JMA បានឲ្យដឹងថា ព្យុះទីហ្វុងឈ្មោះ Mindulle បានបង្កឲ្យបាក់ដី នៅតំបន់ Hidaka នៅភាគខាងត្បូងឆ្នេរសមុទ្រកោះ Hokkaido នៅព្រឹកថ្ងៃអង្គារ ខណ:ដែលព្យុះទីហ្វុង បានបំលែងខ្លួនទៅជា ព្យុះស៊ីក្លូនត្រូពិច បង្កើនអំណាចខ្យល់កាន់តែខ្លាំង បណ្ដាលឲ្យមនុស្ស ៩.០០០ នាក់ ត្រូវជម្លៀសខ្លួនចេញ។

ក្នុងនោះដែរ JMA បានឲ្យដឹងថា មនុស្ស ៣០.០០០ នាក់ ត្រូវបានព្រមានជម្លៀសខ្លួនចេញពីស្រុក ១៨ នៅទូទាំងភាគខាងជើងប្រទេសជប៉ុនផងដែរ៕