ព័ត៌មានអន្តរជាតិ

អេហ្ស៊ីប ប្រកាសដាក់រដ្ឋ ក្នុងភាពអាសន្ន ក្រោយការវាយប្រហារបំផ្ទុះគ្រាប់បែក សម្លាប់មនុស្សនៅព្រះវិហារគ្រឹស្ត

អេហ្ស៊ីប: ប្រធានាធិបតីលោក Abdul Fattah al-Sisi បានប្រកាសដាក់រដ្ឋ ក្នុងភាពអាសន្នរយ:ពេលបីខែ បន្ទាប់ពីការវាយប្រហារបំផ្ទុះគ្រាប់បែកពីរលើក នៅព្រះវិហារ Coptic ដែលបានសម្លាប់មនុស្សយ៉ាងហោចណាស់ ៤៤ នាក់។ នេះបើយោងតាមរយ: សារព័ត៌មាន BBC ចេញផ្សាយនៅថ្ងៃទី១០ ខែមេសា ឆ្នាំ២០១៧។

វិធានការនេះ នឹងអនុញ្ញាតឲ្យអាជ្ញាធរធ្វើការចាប់ខ្លួន និងស្វែងរកនៅក្នុងផ្ទះរបស់ប្រជាជន ដោយមិនចាំបាច់មានដីកា តែវាតម្រូវឲ្យមានការអនុម័តដោយសភាមុនពេល ដែលវិធានការនេះ ត្រូវបានអនុវត្ត។

រដ្ឋអ៊ិស្លាម (IS) បាននិយាយថា ខ្លួនបានស្ថិតនៅពីក្រោយការវាយប្រហារ នៅទីក្រុង Tanta និងទីក្រុង Alexandria កាលពីថ្ងៃអាទិត្យ។

ក្រុមនេះ បានកំណត់គោលដៅនៅ​​ព្រះវិហារ​ Copts ក្នុងប្រទេសអេហ្ស៊ីប ហើយព្រមានថា នឹងធ្វើការវាយប្រហារកន្លែងជាច្រើនបន្ថែមទៀត៕

មតិយោបល់