បារាំង: លោក Emmanuel Macron ជាអ្នកកណ្តាលនិយម នឹងប្រឈមមុខជាមួយមេដឹកនាំស្តាំនិយមជ្រុល លោកស្រី Marine Le Pen នៅក្នុងការបោះឆ្នោត សម្រាប់តំណែងប្រធានាធិបតីបារាំង នៅថ្ងៃទី ៧ ខែឧសភាខាងមុខ បន្ទាប់ពីពួកគេទាំងពីរទទួលបានជ័យជម្នះ ក្នុងការបោះឆ្នោតជុំទី១។ នេះបើយោងតាមរយ: សារព័ត៌មាន BBC ចេញផ្សាយនៅថ្ងៃទី ២៤ ខែមេសា ឆ្នាំ២០១៧។
តាមការស្ទង់មតិ សម្រាប់ការបោះឆ្នោតជុំទី១ ដោយ Ipsos / Sopra Steria បានបង្ហាញថា លោក Macron ទទួលបានសំទ្បេងឆ្នោតគ្រាំទ្រ ២៣,៧% និងលោកស្រី Le Pen ២១,៧ % ។
លទ្ធផលនៃការស្ទង់មតិនេះ បានព្យាករថា លោក Macron នឹងអាចយកឈ្នះលើគូប្រជែងរបស់ខ្លួន សម្រាប់ការបោះឆ្នោតប្រធានាធិបតីនាពេលខាងមុខ។
សូមជំរាបថា ការជ្រើសរើសយកលោក Macron និងលោកស្រី Le Pen កំពុងបង្ហាញពីឆន្ទ:របស់អ្នកបោះឆ្នោត ដែលមានជម្រើសខុសពីគ្នាស្រឡះ ចំពោះទស្សនវិស័យរបស់ពួកគេ នាពេលអនាគតទៅលើសហភាពអឺរ៉ុប ព្រមទាំងជំហរបារាំងនៅក្នុងនោះផងដែរ៕
មតិយោបល់