កូរ៉េ: កងកម្លាំងអាកាសប៉ាស៊ីហ្វិករបស់អាមេរិក នៅថ្ងៃសុក្របានឲ្យដឹងថា យន្តហោះចម្បាំង F-15 , F-16 និងយន្តហោះទម្លាក់គ្រាប់បែក B-1B របស់ខ្លួន បានហោះហើរលើឧបទ្វីបកូរ៉េ ដើម្បីឆ្លើយតបទៅនឹងការធ្វើតេស្តមីស៊ីលអន្តរទ្វីប ICBM ពីសំណាក់រដ្ឋាភិបាលកូរ៉េខាងជើង ។ នេះបើតាម​សារព័ត៌មាន CNN ចេញផ្សាយ​នៅថ្ងៃទី០៨ ខែកក្កដា ឆ្នាំ២០១៧។

សកម្មភាព​នេះដែរ ត្រូវបានប្រទេសជប៉ុន និងកូរ៉េខាងត្បូង ដែលជាសម្ព័ន្ធមិត្តអាមេរិក ​អះអាងថា ធ្វើទ្បើងដើម្បីពង្រឹងសមត្ថភាព​វាយប្រហារ និងទប់ស្កាត់ការគំរាមគំហែងណាមួយបន្ថែមទៀត ពីក្រុងព្យុងយ៉ាង។

គួរបញ្ជាក់ដែរថា យន្តហោះចម្បាំង​បីគ្រឿង និងយន្តហោះ​ទម្លាក់​គ្រាប់បែក B-1B បានហោះហើរចេញ​ពីខេត្ត Gangwon ភាគឦសាន​កូរ៉េខាងត្បូង ​ជិតនឹងព្រំដែន​​កូរ៉េខាងជើង៕