អាហ្វហ្គានីស្ថានៈ ក្រុមមន្ត្រីក្នុងប្រទេស បាននិយាយថា យ៉ាងហោចណាស់មនុស្ស ៣៥ នាក់ ត្រូវបានសម្លាប់ និងជាង ៤០ នាក់ទៀត បានរងរបួស បន្ទាប់ពីរថយន្តបំផ្ទុះគ្រាប់បែកអត្តឃាតមួយគ្រឿង បានបើកតម្រង់គោលដៅមកកាន់រថយន្ដដឹកបុគ្គលិករបស់ក្រសួង នៅរដ្ឋធានីកាប៊ុល។ នេះបើយោងតាមរយៈ សារព័ត៌មាន Aljazeera ចេញផ្សាយនៅថ្ងៃទី២៥ ខែកក្កដា ឆ្នាំ២០១៧។

ហេតុការណ៍នេះ បានកើតឡើងមុនពេលម៉ោង ០៧ ព្រឹក (ម៉ោងក្នុងស្រុក) កាលពីថ្ងៃច័ន្ទ នៅជិតផ្ទះរបស់អនុប្រធានរដ្ឋបាលលោក Mohammad Mohaqi ។

ពួកឧទ្ទាមតាលីបង់ នៅក្នុងសេចក្តីថ្លែងការណ៍មួយ បានប្រកាសទទួលខុសត្រូវចំពោះការវាយប្រហារនេះផងដែរ។

អ្នកនាំពាក្យប៉ូលិសទីក្រុងកាប៊ុល លោក Basir Mujahed បាននិយាយថា រថយន្តក្រុងត្រូវបានបំផ្លាញ រួមជាមួយរថយន្ត ០៣ គ្រឿងផ្សេងទៀត និងហាងមួយចំនួន នៅក្នុងតំបន់នោះ៕