ព័ត៌មានអន្តរជាតិ

ប្រធានាធិបតីអាមេរិក បណ្ដេញមន្ត្រីការទូតជាន់ខ្ពស់លោក Tillerson ចេញពីតំណែង ដើម្បីបើកការចរចាជាមួយកូរ៉េខាងជើង

អាមេរិក: ប្រធានាធិបតីអាមេរិក លោក ដូណាល់ ត្រាំ កាលពីថ្ងៃអង្គារបានបណ្តេញមន្ត្រីការទូតជាន់ខ្ពស់លោក Rex Tillerson ចេញពីតំណែង ហើយបានតែងតាំងលោក Mike Pompeo ដែលជា​នាយក​ទី​ភ្នាក់ងារ​ស៊ើប​ការណ៍​សម្ងាត់​ CIA ឲ្យឡើងស្នងតំណែងជំនួសវិញ។ នេះបើយោងតាមសារព័ត៌មាន BBC ចេញផ្សាយនៅថ្ងៃទី១៤ ខែមីនា ឆ្នាំ២០១៨។

ប្រភពពីមន្ត្រីជាន់ខ្ពស់ជាន់ខ្ពស់នៅសេតវិមាន បាននិយាយថា លោក ត្រាំ ចង់ផ្លាស់ប្តូរក្រុមរដ្ឋបាលរបស់លោក ដើម្បីបើកការចរចាជាមួយកូរ៉េខាងជើង បន្ទាប់ពីការប្រកាសកាលពីសប្តាហ៍មុនថា លោកគ្រោងនឹងជួបជាមួយលោក គីម ជុងអ៊ុន នៅចុងខែឧសភាខាងមុខ។

ការសម្រេចបញ្ចប់តំណែងលោក Tillerson នេះត្រូវបានគេមើលឃើញថា បានកើតទ្បើងបន្ទាប់ពីមានការខ្វែងយោលបល់គ្នាជាញឹកញាប់ ជាមួយប្រធានាធិបតីអាមេរិក។

សូមជំរាបថា លោក ត្រាំ បាន​សរសេរ​នៅ​ក្នុងគណនី Twitter របស់​លោកកាល​ពី​ថ្ងៃ​អង្គារ​ថា «សូមអរគុណ​ដល់​លោក Rex Tillerson ចំពោះការ​បម្រើ​ជាតិ​របស់​លោក! លោកស្រី Gina Haspel នឹង​ក្លាយ​ជា​នាយក​ថ្មី​នៃ​ទីភ្នាក់ងារ​ CIA ដែល​ធ្វើ​ឲ្យ​លោកស្រី​ក្លាយ​ជា​ស្ត្រី​ដំបូង​ដែល​កាន់​តំណែង​នេះ»៕

មតិយោបល់