តួកគី: មេដឹកនាំគណបក្សអភិរក្សនិយមរបស់ប្រទេសតួកគី លោក Recep Tayyip Erdogan បានទទួលជ័យជម្នះលើការបោះឆ្នោតជ្រើសរើស ប្រធានាធិបតីនៅក្នុងប្រទេស សម្រាប់ជុំទីមួយ។ នេះបើយោងតាមសារព័ត៌មាន BBC ចេញផ្សាយនៅថ្ងៃទី២៥ ខែមិថុនា ឆ្នាំ២០១៨។
លោក Sadi Guven ប្រធានក្រុមប្រឹក្សាជាតិរៀបចំការបោះឆ្នោត បាននិយាយថា លោកប្រធានាធិបតី Erdogan បានទទួលសម្លេងគាំទ្រភាគច្រើន ក្នុងចំណោមសម្លេងឆ្នោត ដែលមានសុពលភាពទាំងអស់ ប៉ុន្តែមិនបានផ្តល់ព័ត៌មានលម្អិតនោះទេ។
របាយការណ៍ប្រព័ន្ធផ្សព្វផ្សាយរដ្ឋ បានបញ្ជាក់ថា លោក Erdogan ទទួលបានសម្លេងគាំទ្រចំនួន ៥៣% ជាលទ្ធផលនៃការរាប់សន្លឹកឆ្នោតប្រមាណ៩៩% នៃមណ្ឌលបោះឆ្នោតទាំងអស់ ខណ:គូប្រជែងលោក Muharrem Ince ទទួលបានសម្លេង ៣១% ប៉ុណ្ណោះ។
យ៉ាងណាមិញគណបក្សប្រឆាំង មិនទាន់បានទទួលស្គាល់លទ្ធផលជាផ្លូវការនៅឡើយទេ ប៉ុន្តែបាននិយាយថា ខ្លួននឹងបន្តការប្រកួតប្រជែងលើលទ្ធិប្រជាធិបតេយ្យរបស់ខ្លួន បើទោះបីជាលទ្ធផលយ៉ាងណាក៏ដោយ៕
មតិយោបល់