កម្មវិធី Instagram នៅពេលនេះ មាននៅលើប្រព័ន្ធដំណើរការ Windows Phone បន្ទាប់ពីមានភាពរកាំរកូសអស់មួយរយៈ ហើយក៏បានធ្វើឲ្យអតិថិជនរបស់ Windows Phone សប្បាយចិត្តផងដែរ។
Instagram បានប្រកាសនៅលើប្លក់របស់ខ្លួនថា នៅពេលដែលកម្មវិធី Instagram មានសម្រាប់ Android គឺមានមនុស្ស ៣០លាននាក់ប៉ុណ្ណោះ ដែលប្រើប្រាស់ និងចាប់អារម្មណ៍ ប៉ុន្តែនៅពេលនេះ វាបានកើនឡើងដល់ ១៥០លាននាក់។ Instagram បានបន្តទៀតថា នៅឆ្នាំក្រោយ វានឹងកើនឡើងលើសនេះទ្វេដង ព្រោះថានៅពេលនេះ Instagram អាចប្រើនៅលើប្រព័ន្ធប្រព័ន្ធដំណើរការ Windows Phone បានហើយ។
នេះជាជោគជ័យថ្មីមួយទៀតសម្រាប់ Instagram ហើយក៏ជាភាពជោគជ័យធំមួយសម្រាប់ Microsoft ផងដែរ ព្រោះថានៅមុននេះ Microsoft បានព្យាយាម និងប្រើប្រាស់វិធីសាស្ត្រជាច្រើនដើម្បីបាន Instagram សម្រាប់ Windows Phone៕
មតិយោបល់