រុស្ស៊ីនឹងចិនកំពុងពិភាក្សាស្ដីពីការ ផ្គត់ផ្គង់ប្រព័ន្ធកាំជ្រួចមីស៊ីលការពារ ដែនអាកាសដ៏ទំនើប ប្រភេទ S-400 Triumph ឱ្យទៅប្រទេសចិន ប៉ុន្ដែពេល វេលាដែលផ្ដល់ប្រព័ន្ធមីស៊ីលទាំងនោះ មិនទាន់បានឱ្យដឹងនៅឡើយ ។
កន្លងមក ប្រព័ន្ធផ្សព្វផ្សាយនានា របស់រុស្ស៊ីបានផ្សព្វផ្សាយថា នៅក្នុងឆ្នាំ ២០១៦ រុស្ស៊ីអាចនឹងផ្គត់ផ្គង់ប្រព័ន្ធ មីស៊ីល S-400 ឱ្យទៅប្រទេសចិន ។
ក្នុងពេលជាមួយគ្នានេះរុស្ស៊ីក៏បាន ប្រកាសពីការអនុវត្ដឱ្យបានពេញលេញតាមកិច្ចព្រមព្រៀងផ្គត់ផ្គង់ឧទ្ធម្ភាគចក្រ ៣០គ្រឿងដល់ប្រទេសអាហ្វហ្គានីស្ថាន នូវប្រភេទឧទ្ធម្ភាគចក្រ MI-17 ។ ការ ប្រគល់នោះមិនជាប់ពាក់ព័ន្ធនឹងការ ប្រកាសផ្អាកទំនាក់ទំនងយោធារវាង អាមេរិកនឹងរុស្ស៊ីនោះឡើយ ។
កន្លងមក ប្រធានាធិបតីអាមេរិក លោកបារ៉ាក់ អូបាម៉ា បានចុះហត្ថលេខា លើច្បាប់ដាក់ទណ្ឌកម្មដល់បុគ្គល និង ស្ថាប័នមួយចំនួនរបស់រុស្ស៊ី ក្នុងនោះ មានទាំងវិស័យឧស្សាហកម្មសព្វាវុធ ទៀតផង ។
កាលពីខែកុម្ភៈ កន្លងមក រុស្ស៊ីបាន ប្រគល់ឱ្យអាហ្វហ្គានីស្ថានយន្ដហោះដឹក ជញ្ជូនយោធា៦គ្រឿងក្នុងចំណោម៣០ គ្រឿងដូចដែលបានព្រមព្រៀង ។ តាម កិច្ចព្រមព្រៀង ការប្រគល់ឧទ្ធម្ភាគចក្រ នោះគឺដើម្បីប្រយុទ្ធប្រឆាំងក្រុមភេរវ និយមនៅក្នុងប្រទេសនេះ ។ កម្លាំង ទាហានអាហ្វហ្គានីស្ថាននឹងទទួលបាន ឧទ្ធម្ភាគចក្រ៦៣គ្រឿងមានតម្លៃសរុប ១,៣ពាន់លានដុល្លារ ៕
មតិយោបល់