សង្រ្គាមអ៊ុយក្រែនឥរុស្ស៊ីបានឈានចូលដល់ថ្ងៃទី៤ហើយ ខណៈការបាញ់ប្រហារយ៉ាងខ្លាំង ត្រូវបានគេឃើញនៅក្នុងរដ្ឋធានីគៀវ។
កងទ័ពអ៊ុយក្រែន កំពុងប្រយុទ្ធជាមួយទាហានរុស្ស៊ីយ៉ាងពេញទំហឹង ហើយមានការភ័យខ្លាចថា សង្រ្គាមនេះអាចនឹងបន្តរយៈពេលប៉ុន្មានថ្ងៃទៀត។
ទន្ទឹមនឹងនោះ សមាជិកសភាសហភាពអឺរ៉ុបលោក Riho Terras បានធ្វើការអះអាងដ៏គួរឲ្យចាប់អារម្មណ៍អំពីសង្គ្រាមរុស្ស៊ី-អ៊ុយក្រែន។ លោកនិយាយថា ប្រធានាធិបតីរុស្ស៊ីលោក វ្ល៉ាឌីមៀរ ពូទីន កំពុងមានការខឹងសម្បាយ៉ាងខ្លាំង។ លោក ពូទីន គិតថា សង្គ្រាមនេះនឹងងាយស្រួលណាស់ ហើយអ្វីៗនឹងចប់ក្នុងរយៈពេលពីមួយទៅបួនថ្ងៃ។
ប៉ុន្តែបើក្រឡេកមើលស្ថានភាពបច្ចុប្បន្នវិញ វាហាក់ដូចជាមិនដូច្នោះទេ។ អង្គការ ណាតូ ដឹកនាំដោយសហរដ្ឋអាមេរិក បានប្រកាសថា នឹងផ្តល់អាវុធបន្ថែមទៀតដល់អ៊ុយក្រែន។
ក្នុងស្ថានភាពបែបនេះ គេកំពុងតែភ័យខ្លាចថា អ៊ុយក្រែនមិនព្រមចុះចាញ់ដោយងាយឡើយ។ ក្រសួងការពារជាតិអ៊ុយក្រែនក៏បានអំពាវនាវដល់សាធារណជន ឲ្យចូលរួមកងទ័ពផងដែរ។
នៅក្នុងការបង្ហោះ Twitter មួយ លោក Terras បានអះអាងថា រុស្ស៊ីមិនមានផែនការយុទ្ធសាស្រ្តទេ។ ការចំណាយរបស់រុស្ស៊ីលើសង្គ្រាមនេះ គឺប្រហែល២០ពាន់លានដុល្លារអាមេរិកក្នុងមួយថ្ងៃ ពោលគឺ ៤ ថ្ងៃស្មើនឹង ៨០ ពាន់លានដុល្លារអាមេរិក ហើយក្នុងស្ថានភាពបែបនេះ រុស្ស៊ីអាចប្រឈមការខ្វះខាតសព្វាវុធ។
រោងចក្រ Tula និង Rotenberg មិនអាចបំពេញតម្រូវការអាវុធរបស់កងទ័ពរុស្ស៊ីបានទេ។ ពួកគេអាចផ្គត់ផ្គង់បានតែកាំភ្លើង និងគ្រាប់កាំភ្លើងប៉ុណ្ណោះ។ សព្វាវុធសម្រាប់កងទ័ពរុស្ស៊ីអាចផលិតបានក្នុងរយៈពេលពី ៣ ទៅ ៤ ខែខាងមុខនេះ ប្រសិនបើពួកគេមានវត្ថុធាតុដើមគ្រប់គ្រាន់សម្រាប់ផលិត។
ទោះបីជាយ៉ាងណាក៏ដោយ វត្ថុធាតុដើមដែលប្រើសម្រាប់ផលិតសព្វាវុធរុស្ស៊ី គឺបានមកពីប្រទេសស្លូវេនី ហ្វាំងឡង់ និងអាល្លឺម៉ង់ ប៉ុន្តែឥឡូវ ត្រូវបានបញ្ឈប់ហើយ ដោយសារទណ្ឌកម្ម៕
![](https://i0.wp.com/domneng.news/wp-content/uploads/2022/02/AP22020041850813-1.jpg?resize=770%2C513&ssl=1)
![](https://i0.wp.com/domneng.news/wp-content/uploads/2022/02/skynews-ukraine-russia_5674293-1024x576-1.jpg?resize=1000%2C563&ssl=1)
![](https://i0.wp.com/domneng.news/wp-content/uploads/2022/02/IMAGE_1642944974-1024x576-1.jpeg?resize=1000%2C563&ssl=1)
មតិយោបល់