ហ្គំប៊ី: លោក Adama Barrow ដែលជាប្រធានាធិបតីជាប់ឆ្នោតប្រទេសហ្គំប៊ី បានស្បថចូលកាន់តំណែងកាលពីថ្ងៃព្រហស្បតិ៍ នៅស្ថានទូតហ្គំប៊ី ក្នុងប្រទេសសេណេហ្គាល់ ជាប្រទេសជិតខាង ខណ:ដែលមេដឹកនាំផ្តាច់ការដ៏យូរ ក្នុងប្រទេសហ្គំប៊ី លោក Yahya Jammeh មិនព្រមចុះចេញពីតំណែង បែរជាដេញអ្នកជាប់ឆ្នោត ចេញពីប្រទេស ។ នេះបើយោងតាមរយ:សារព័ត៌មានអង់គ្លេស BBC ចេញផ្សាយនៅថ្ងៃទី២០ ខែមករា ឆ្នាំ២០១៧។
លោក Barrow បាននិយាយនៅក្នុងពិធីស្បថចូលកាន់តំណែងនេះថា នេះគឺជាថ្ងៃមួយ ដែលប្រជាពលរដ្ឋហ្គំប៊ីនឹងមិនអាចបំភ្លេចបានទេក្នុងមួយជីវិត ដែលពិធីស្បថចូលកាន់តំណែងនេះ កាលពីដើមឡើយគ្រោងនឹងធ្វើឡើងក្នុងរដ្ឋធានី Banjul នៃប្រទេសហ្គំប៊ី ហើយក៏ជាលើកទីមួយដែរ ចាប់តាំងពីប្រទេសនេះ ទទួលបានឯករាជ្យ ក្នុងឆ្នាំ១៩៦៥ ហើយបានផ្លាស់ប្ដូររដ្ឋាភិបាលរបស់ខ្លួន តាមរយ:ការបោះឆ្នោត។
លោក Jammeh ដែលជាអ្នកធ្លាប់បានប្តេជ្ញាថា នឹងគ្រប់គ្រងប្រទេសនេះ រយ:ពេល១ពាន់ឆ្នាំនោះ ដំបូងទ្បើយបានយល់ព្រមទទួលយកលទ្ធផលចាញ់ឆ្នោត ប៉ុន្តែក្រោយមកលោកបានប្ដូរចិត្ត ដោយចោទថា មានភាពមិនប្រក្រតីមួយចំនួននៅក្នុងការបោះឆ្នោតទៅវិញ។
សូមជំរាបថា លោក Barrow បានទទួលជ័យជម្នះនៅក្នុងការបោះឆ្នោតជ្រើសរើសប្រធានាធិបតី កាលពីថ្ងៃទី១ ខែធ្នូ ឆ្នាំ២០១៦៕
លោក Yahya Jammeh
លោក Adama Barrow
មតិយោបល់