ខ្សែប្រយុទ្ធដ៍ឆ្នើម Lionel Messi ពិតជាមិនធ្វើឲ្យក្រុម​ជម្រើសជាតិអាហ្សង់ទីន ខកបំណងឡើយ ដោយកីឡាកររូបនេះ បានស៊ុត ៣គ្រាប់ជួយឲ្យអាហ្សង់ទីនឆ្លងផុតពីគ្រោះថ្នាក់ ឡើងទៅកាន់វគ្គចែកពូល World Cup ឆ្នាំក្រោយ ក្នុងប្រទេសរុស្ស៊ី។

អ្វីដែលជាការរំពឹងទុក របស់ប្រធានាធិបតីរុស្ស៊ី លោក​ វ្លាឌីមៀ ពូទីន ក្នុងការចង់ឃើញវត្តមានរបស់ កីឡាករ Lionel Messi ក្នុងព្រឹត្តិការណ៍ World Cup ២០១៨ បានលេចចេញជារូបរាងហើយ។ ជាក់ស្តែងណាស់ Lionel Messi បានជួយក្រុមអាហ្សង់ទីន ឲ្យឡើងទៅលេងក្នុងព្រឹត្តិការណ៍ World Cup ២០១៨ តាមរយ:ការស៊ុតបញ្ចូលទីបានរហូតដល់ទៅ ៣គ្រាប់ក្នុងការជួយក្រុមជម្រើសជាតិ យកឈ្នះក្នុងដីក្រុម​អេក្វាឌ័រ ៣-១ ។

ក្រុមម្ចាស់ផ្ទះអេក្ខាឌ័រ បានស៊ុត១គ្រាប់នាំ​មុខមុនតាំងពីដើមតង់នាទីទី១ ដោយការស៊ុតរបស់កីឡាករ Romario Ibarra ក៍ប៉ុន្តែ ខ្សែប្រយុទ្ធដ៍ឆ្នើម Lionel Messi បានវាយបកវិញ រហូតដល់ទៅ ៣គ្រាប់វិញ ដោយស៊ុតបាននៅនាទីទី ១១, ១៨ និងនាទីទី ៦២ ដែលជម្រុញឲ្យអាហ្សង់ទីនឡើងវគ្គចែកពូល។ គួរបញ្ជាក់ផងដែរថា អាហ្សង់ទីន ត្រូវបានឡើងទៅកាន់វគ្គបន្តទៀត ជាមួយក្រុមកំពូលតារាងប្រេស៊ីល, ក្រុមលេខ២ អ៊ុយរ៉ាហ្គាយ, លេខ៣ អាហ្សង់ទីន និងលខ ៤កូឡុំប៊ី ខណ:ក្រុម​ ប៉េរ៉ូត្រូវរង់ចាំលងវគ្គ Play Off បន្តទៀត។

ដូច្នេះហើយ កំពូលខ្សែប្រយុទ្ធ Lionel Messi បានក្លាយ​ជាវីរបុរស របស់ក្រុមជម្រើសជាតិក្នុងការឡើង​ ទៅកាន់វគ្គចែកពូល FIFA World Cup ២០១៨ ក្នុងប្រទេសរុស្ស៊ី ឆ្នាំក្រោយនេះ មិនឲ្យចាញ់ Cristiano Ronaldo ដែលនាំព័រទុយហ្គាល់ ឡើងវគ្គចែកពូលនោះឡើយ។

//www.youtube.com/watch?v=hFNYEsrX2ZU