Friday, ទី1 November, ឆ្នាំ2013 10:10 am
តាមការបញ្ជាក់ពីអ្នកជំនាញមកពីវិទ្យាស្ថានបច្ចេកវិទ្យារដ្ឋ Massachusetts បានឲ្យដឹងថាពិភពលោកនឹងស្វាគមន៍នូវបច្ចេកវិទ្យាថ្មីនៃរថយន្តដែលអាចបើកបរទាំងផ្លូវគោកនិងអាកាសបាន។
បើទោះបីជានៅមានភាពចម្រូងចម្រាស់ខ្លះទៅលើការចេញច្បាប់អនុញ្ញាតិឲ្យការប្រើប្រាស់រថយន្តប្រភេទនេះជាសាធារណៈដូចជាវាត្រូវបានផ្នែកប្រព័ន្ធព័ត៌មានចាត់ទុកថារាប់ជាប្រភេទយន្តហោះស៊ើបការណ៍ដែលអាចលួចថតយកការណ៍បានតែតាមពិតមនុស្សភាគច្រើនយល់ថាប្រព័ន្ធត្រួតពិនិត្យនិងទទួលសញ្ញានានាដែលមាននៅលើយន្តហោះដឹកដំណើរនិងយន្តហោះស៊ើបការណ៍គឺមានភាពស្រដៀងគ្នា។នេះមានន័យថាការប្រើប្រាស់រថយន្តដែលអាចហោះហើរបានជារឿងធម្មតាបើទោះបីជាការបំពាក់បច្ចេកទេសទំនើបក្នុងការគ្រប់គ្រងក៏ដោយ។វានៅតែទាមទារឲ្យមានមនុស្សបើកបរដដែលបើទោះបីជាមួយភាគធំនៃការធ្វើដំណើររបស់វានឹងត្រូវផលិតឲ្យដំណើរការក្រោមប្រព័ន្ធស្វ័យប្រវត្តិយ៉ាងណាក្តី។
អ្នកជំនាញបានបន្តទៀតថាការប្រើប្រាស់រថយន្តហោះនៅពេលអនាគត់នឹងអាចកាត់បន្ថយភាពគ្រោះថ្នាក់បានយ៉ាងច្រើននៅពេលដែលកំណើនមនុស្សនៅលើពិភពលោកកើនឡើងមិនចេះឈប់ដូចនេះ។ត្រឹមមួយវិនាទីដែលមនុស្សធ្វេសប្រហែសនៅក្នុងការធ្វើដំណើរដោយប្រើប្រាស់បច្ចេកវិទ្យាដែលមាននៅក្នុងរថយន្តធម្មតាតើមានការខុសគ្នាយ៉ាងណាត្រឹមមួយវិនាទីចន្លោះពេលដែលមានជីវិតនិងស្លាប់បាត់បង់ជីវិតនៅក្នុងគ្រោះថ្នាក់ចរាចរណ៍នោះ។រថយន្តដែលអាចហោះហើរបានមានបច្ចេកវិទ្យាទំនើបបំផុតអាចធានាសុវត្ថិភាពច្រើនជាងមុននិងថែមទាំងចំណេញពេលវេលាផងដែរ៕
ទស្សនាវីដេអូឃ្លិបដូចខាងក្រោមនេះ៖
