Tag: ផលិតកម្មមហាហង្ស

ខុសពីរឿងផ្សេងៗដែលគេបើកសម្ពោធ ហើយត្រាំត្រែងដំអក់ដល់ច្រើនថ្ងៃទើបដាក់បញ្ចាំងសម្រាប់ភាពយន្តរឿង«អាមោកលក់ម៉ាំ»ដែលសម្ដែងតួឯកដោយលោកប៉ែន ចំរ៉ុង បែរជាប្រកាសបញ្ចាំងភ្លាមនៅថ្ងៃទី១៨ ឧសភានេះដោយមិនបង្អង់យូរ បើទោះជាក្នុងពិធីសម្ពោធកាលពីល្ងាចថ្ងៃទី១៧ ឧសភា ហាក់មិនសូវមានភាពគគ្រឹកគគ្រេង។ ក្រុមហ៊ុនដែលទទួលសិទ្ធិចែកចាយនៅតែមានជំនឿចិត្តថារឿងនេះនឹងទទួលបានការគំាទ្រខ្ពស់ ថ្វីដ្បិតថាលោកប៉ែន ចំរ៉ុង នៅមានចំហាយរិះគន់។ លោកស៊ីថេន ម្ចាស់ក្រុមហ៊ុនពូព្រហ្មដែលជាអ្នកទទួលសិទ្ធិចែកចាយរឿង«អាមោកលក់ម៉ាំ»បានអះអាងថាលោកប៉ែន ចំរ៉ុងមិនបានអញ្ជើញចូលរួមក្នុងពិធីសម្ពោធនោះទេប៉ុន្តែសម្រាប់តារាដែលបានរួមសម្ដែងក្នុងរឿងជាច្រើនគឺបានបង្ហាញខ្លួន ដោយតារាម្នាក់ៗទទួលបានកិត្តិយសក្នុងពិធីសម្ពោធនោះផង។ លោកថាខ្សែរឿង«អាមោកលក់ម៉ាំ»ផលិតកម្មមហាហង្សបានប្រគល់សិទ្ធិអោយខ្លួនធ្វើចែកចាយរឿងនេះ ដោយសារតែខាងផលិតកម្មមិនមានពេលចាត់ចែង និងចង់ទុកពេលវេលាបន្តផលិតភាពយន្តជាច្រើនផ្សេងទៀតដែលលោកមិនអាចឆ្លៀតបាន។ លោកថាខ្សែរឿង«អាមោកលក់ម៉ាំ»ដ្បិតថាបានសម្ដែងតួឯកដោយលោកប៉ែន…

នៅថ្ងៃទី១៨ ឧសភា នេះខ្សែរឿង«អាមោកលក់ម៉ាំ»ដែលធ្លាប់ផ្អឹបចោលដោយផលិតកម្មមហាហង្ស នឹងត្រូវដាក់បញ្ចាំងជាផ្លូវការបើកសម្ពោធរោងកុននៅបារាណ៏អណ្ដែតខេត្តសៀមរាបតែម្ដង បន្ទាប់ពីរោងកុននេះត្រូវបានកែកុន ខណៈដែលនៅតាមបណ្ដារោងភាពយន្តនៅភ្នំពេញក៏នឹងប្រកាសបញ្ចាំងព្រមៗក្រោយថ្ងៃសម្ពោធនាថ្ងៃទី១៧ ឧសភាដូចគ្នា។ នេះជាខ្សែភាពយន្តដែលលោកសម្ដែងតួឯកតាំងពីពេលឡើងកូដ ហើយក៏រឿងដែលលោកបង្ហាញខ្លួនជាតួជាថ្មី ក្រោយពេលដែលលោកធ្លាក់ចុះទីផ្សារដល់ថ្នាក់លែងមានផលិតករលែងហ៊ានហៅសម្ដែង និងមានត្រឹមតែអ្នកស្និទ្ធិស្នាលហ៊ានអោយសម្ដែងមួយប្លង់ៗក្នុងរឿង។ ក្រុមហ៊ុនចែកចាយភាពយន្តពូព្រហ្មបានអះអាងថា ភាពយន្តរឿង«អាមោកលក់ម៉ាំ»ផលិតកម្មមហាហង្សរបស់លោកអ៉ិន បានប្រគល់សិទ្ធិអោយខ្លួនចែកចាយតាមរោង ដោយក្រុមហ៊ុនរបស់លោកនឹងសម្រេចដាក់បញ្ចាំងនៅថ្ងៃទី១៨ ឧសភានេះនៅរោងភាពយន្តបារាណ៍អណ្ដែតខេត្តសៀមរាប ដោយរោងភាពយន្តនេះទើបនឹងត្រូវជួសជុលថ្មីអស់ប្រាក់ច្រើនម៉ឺនដុល្លារ។ តំណាងក្រុមហ៊ុននិយាយថារឿង«អាមោកលក់ម៉ាំ»នឹងក្លាយជារឿងទី១ដែលបានបើកឆាកនៅរោងភាពយន្តបារាយណ៍អណ្ដែតខេត្តសៀមរាប បន្ទាប់ពីបានបិទចោលអស់មួយរយៈ ដោយរោងភាពយន្តនេះត្រូវបានកែកុនយ៉ាងទំនើបប្រកបដោយស្ដង់ដារកម្រិតខ្ពស់មិនខុសពីរោងភាពយន្តទំនើប។…

កាលពីយប់ថ្ងៃទី១១ ឧសភា យប់មិញគេឃើញតារាសិល្បៈល្បីឈ្មោះជាច្រើន រួមមានទាំងផលិតករផងបានបង្ហាញខ្លួនក្នុងពិធីខួបកំណើតរបស់កូនស្រីថៅកែហាងហេងហេង១និង២ ដែលបានប្រារព្ធធ្វើនៅហាងហេងហេង២ម្ដុំផ្សារទំនើបស្ទឹងមានជ័យ។ នៅក្នុងពិធីនោះ តារាសិល្បៈដែលបានចូលរួមក្រៅពីបានជូនពរដល់កញ្ញា ហួត សុគន្ធនីតា អាយុ១៥ឆ្នាំប៉ុណ្ណោះទេ ម្នាក់ៗក៏ត្រូវគេឃើញបង្ហាញភាពស្និទ្ធិស្នាលជាមួយម្ចាស់ខួបកំណើតគួរអោយកត់សម្គាល់ផងដែរ។ កញ្ញាទឹម រដ្ឋា ដែលបានបង្ហាញខ្លួនទាំងគ្រួសារក្នុងពិធីជប់លៀងដែលចម្រុះដោយតារានោះ បានអះអាងថាម្ចាស់ហាងហេងហេង២គឺមានទំនាក់ទំនងជាមួយនាង និងគ្រួសារមិនខុសពីបងប្អូននាពេលកន្លងមក ទើបនាងសម្រេចចិត្តផ្ដល់កិត្តិយសទាំងបងទាំងប្អូនក្នុងពិធីខួបកំណើតកូនស្រីម្ចាស់ហាងគឺកញ្ញាហួត សុគន្ធនីតា ដើម្បីជូនពរអោយប្អូនមានសំណាង និងបានសប្បាយចិត្តសម្រាប់ថ្ងៃខួបរបស់ខ្លួន។…

ខណៈដែលលោកអ៉ិន សម្រេចចិត្តអោយមានការបញ្ចាំងខ្សែរឿង«អាមោកលក់ម៉ាំ»ដែលបានថតចប់តាំងពីមិនទាន់ផ្ទុះរឿងជាមួយលោកប៉ែន ចំរ៉ុង នោះ តារាសម្ដែងដែលជាតួឯកក្នុងរឿងនេះ បានប្រកាសយ៉ាងបើកចំហរថាខ្លួនមិនចូលរួមណាមួយទាំងផ្ទាល់ និងប្រយោល សម្រាប់ថ្ងៃបើកសម្ពោធរឿងនោះទេ។ លោកក៏បានព្រមានដោយវិធានការផ្លូវច្បាប់ ប្រសិនបើមានព័ត៌មានណាមួយ ដែលកើតចេញពីការដាក់បញ្ចាំងរឿងនេះ ហើយធ្វើអោយប៉ះពាល់ដល់កេរ្តិ៍ឈ្មោះរបស់លោក ក្រោយស្ងាត់រួចទៅហើយ។ យោងតាមការបញ្ជាក់របស់បុគ្គលិកមួយរូបប្រចាំក្រុមហ៊ុនពូព្រហ្ម ដែលបានទទួលសិទ្ធិចែកចាយរឿង«អាមោកលក់ម៉ាំ»ពីផលិតកម្មមហាហង្ស បានអះអាងថា ខ្លួនបានទាក់ទងទៅកាន់លោក ប៉ែន ចំរ៉ុង ក្នុងនាមជាអ្នកម៉ៅការរឿងនេះ…

មានការប្រកាសជាយូរមកហើយថា រឿង«អាមោកលក់ម៉ាំ»ដែលផលិតកម្មមហាហង្សផលិតឡើង ហើយលោកប៉ែន ចំរ៉ុង ជាតួឯក នឹងត្រូវបិទចោលជារៀងរហូត ដោយសុខចិត្តបោះលុយចោល ក៍ព្រោះតែលោក អ៉ិន មិនចង់លើកមុខលើកមាត់ លោក ប៉ែន ចំរ៉ុង ដែលជាគូជម្លោះ។ អ៊ីចឹងហើយទើបម្នាក់ៗមានការចាប់អារម្មណ៍ ក្រោយពីរឿងមួយនេះស្រាប់តែត្រូវលោកអ៉ិន ប្រកាសអោយបញ្ចាំងខុសពីការប្រកាស ក្រោយពីផ្អឹបចោលតាំងពីភិន សុដាលីស និង…

ក្នុងរឿង«ស៊ុបភើរម៉ាំ» ឬ«Super Mom » ដែលគ្រោងដាក់បញ្ចាំងនៅថ្ងៃទី៦ មេសានេះ តារាសម្ដែងផ្នែកកំប្លែងអ្នកនាងខ្ញុងបានអះអាងថាអ្នកនាងបានសម្ដែងជាតួឯកធំនៅក្នុងរឿងនេះ ដោយធ្វើជាម្ដាយចិត្តខ្លាំង និងឌឺដងលេខមួយ ជាមួយនឹងតារាកំប្លែងម្នាក់ទៀតគឺអ្នកនាងកាតុដែលជាតួឯកម្ដាយម្នាក់ទៀត។ នៅក្នុងរឿងនេះ អ្នកនាងក៏ត្រូវផលិតករអោយសម្ដែងក្នុងប្លង់ឆេះផ្ទះ ដោយត្រូវរត់ចូលក្នុងភ្លើងទៅយកឥវ៉ាន់ ហើយឆេះសក់មែនទែនឡើងឈ្ងៀមផងដែរ។ អ្នកនាងខ្ញុងបញ្ជាក់ក្នុងពិធីសម្ពោធរឿងកាលពីថ្ងៃទី៣ មេសា ថា ជាលើកទី១ដែលលោក អ៉ិន ផលិតករមហាហង្សបានអោយអ្នកនាងសម្ដែងជាតួធំក្នុងរឿង…

ក្នុងពិភពសិល្បៈគេត់សម្គាល់ឃើញកូនប្រុសស្រីរបស់ម្ចាស់ផលិតកម្ម៣រូប បានក្លាយជាតារាល្បីឈ្មោះ និងឡើងកូដនាពេលចុងក្រោយ។ យ៉ាងណាមិញ តារាទាំង៣ត្រូវគេឃើញបានតំណែងជាតួឯកតែក្នុងផលិតកម្មរបស់ខ្លួនប៉ុណ្ណោះ បើទោះជាអ្នកទាំង៣មិនដែលប្រកាសថាក្រៅពី ផលិតកម្មខ្លួនឯងគឺមិនសម្ដែង។ អ្នកនាង ភិន សុដាលីស គឺជាកូនស្រីបង្កើតរបស់លោកអ៉ិន ម្ចាស់ផលិតកម្មមហាហង្ស។ អ្នកនាងបានក្លាយជាតារាល្បីដោយសារតែឪពុកលើកស្ទួយ បើទោះជាការសម្ដែងរបស់នាងនាពេលដំបូងៗ ហាក់មានកម្រិត។ មកទល់ពេលនេះនាងសម្ដែងមិនតិចជាង១០រឿងឡើយ ប៉ុន្តែមិនមានរឿងណាមួយ ដែលជាស្នាដៃភាពយន្តនៅក្រៅផលិតកម្មមហាហង្សនោះឡើយ។ ក្រោយស្ងប់រឿងអាស្រូវនាងត្រូវឪពុកតែងតាំងជាអ្នកទទួលខុសត្រូវរបស់ផលិតកម្មតែម្ដង ទើបកាន់តែបាត់ឱកាសសម្ដែងរឿងនៅក្រៅផលិតកម្មតែម្ដង…

ទើបតែទទួលបានតួឯកក្នុងរឿង«ក្រមុំឆ្នាសប៉ះក្មេងស្ទាវ»របស់ផលិតកម្មមហាហង្សសោះ កាលពីព្រឹកថ្ងៃទី៧ មិនា តារាសម្ដែងក្រមុំចាមនាងណាតាហ្សា ត្រូវគេឃើញបានតំណែងតួឯកមួយទៀតយ៉ាងថ្មីស្រឡាងក្នុងរឿង«កញ្ចក់»។ នេះជាខ្សែភាពយន្តខ្នាតធំ របស់ផលិតកម្មមហាហង្ស ដែលផ្ដល់ឱកាសអោយតារាស្រីរូបនេះបានតំណែងតួឯក។ ណាតាហ្សា និយាយថាសប្បាយចិត្តណាស់ ដែលក្រោយសាកល្បងការងារជាមួយផលិតកម្មមហាហង្ស ក៏ទទួលបានឱកាសសម្ដែងមួយរឿងថ្មីទៀត ដោយនាងមិននឹកស្មានដល់។ នាងថាខ្លួនទទួលសម្ដែងក្នុងរឿង«ក្រមុំចាស់ប៉ះក្មេងស្ទាវ»គ្រាន់តែនឹករំពឹងថានឹងបានទទួលឱកាសសម្ដែងតួឯកក្រោយពេលខ្សែរឿងមួយនោះត្រូវបានដាក់បញ្ចាំង ហើយជោគជ័យប៉ុណ្ណោះ។ អ៊ីចឹងហើយទើបសប្បាយចិត្ត នៅពេលរឿងមួយនោះមិនទាន់បញ្ចប់ថតផង ស្រាប់តែផលិតកម្មមហាហង្សហៅអោយនាងមកសម្ដែងក្នុងរឿង«កញ្ចក់»នាពេលនេះ។ នាងថានេះជារឿងប្រភេទខ្មោច ភ័យរន្ធត់…

កាលពីព្រឹកថ្ងៃ២ មិនា តារាសម្ដែងនាង ភិន សុដាលីស បានបង្ហាញខ្លួនយ៉ាងក្រឡឺមក្នុងតំណែងជាតួឯកស្រី បន្ទាប់ពីការសម្រាលកូនស្រីរបស់នាងកាន់តែចាស់ខែជាងមុន។ នាងបានសម្ដែងក្នុងរឿង«ម្ចាស់បំណុល»ដែលជាខ្សែរឿងភាគរបស់ទូរទស្សន៍PNN ដោយនាងរំពឹងថាភាពយន្តមួយរឿងនេះ នឹងធ្វើអោយនាងឡើងកូដជាថ្មីម្ដងទៀត មិនខុសពីពេលដែលនាងបានក្លាយជាតារាដែលត្រូវគេចាប់អារម្មណ៍ឡើងផ្អើលមហាជន ក្នុងពេលផ្ទុះជម្លោះស្នេហាជាមួយលោកប៉ែន ចំរ៉ុង។ អ្នកនាង ភិន ដាលីស និយាយថាខ្សែរឿង«ម្ចាស់បំណុល»ជារឿងដែលឪពុកម្ដាយរបស់នាងបាននិពន្ធ ដោយមិនមែនជារឿងទិញឆ្អឹងរឿងពីអ្នកណានោះទេ។ នាងថារឿងនេះមានចំណុចខ្លាំងច្រើន ទើបនាងរំពឹងមិនអន់នោះទេ…