អ្នកជំនាញបារាំង៖ ចាប់ពីពេលនេះតទៅ អាមេរិក និងក្រុមប្រទេសបស្ចិមលោកដទៃទៀតនឹងត្រូវសហការជាមួយពួកតាលីបង់
ស្ថានការណ៍នៅក្នុងប្រទេសអាហ្វហ្កានីស្ថានកំពុងបន្តក្លាយជាបច្ចុប្បន្នភាពយ៉ាងក្តៅគគុក។ អ្នកនំាពាក្យតាលីបង់បានប្រកាសលើទំព័រ Twitter នាថ្ងៃសុក្រ ទី២៧ សីហាថា គណៈប្រតិភូបារាំងបានជួបក្រុមអ្នកតំណាងតាលីបង់នៅក្នុងទីក្រុងដូហា ប្រទេសកាតាក្នុងថ្ងៃព្រហស្បតិ៍ ទី២៦ សីហា។ នេះជាជំនួបលើកទី១ រវាងភាគីបារាំង និងតាលីបង់តាំងពីចលនាមួយនេះដណ្តើមបានអំណាចកាលពីជិត ២សប្តាហ៍មុន។ ចំណែកប្រទេសតួកគីក៏បានប្រកាសពីការជជែកជាមួយពួកតាលីបង់លើកទី១ ដែរ តែនៅក្រុងកាប៊ុល។ ដំណឹងនេះបានធ្លាក់មក ក្រោយពីមានអំពើភេរវកម្មអត្តឃាតបង្កដោយពួកជីហាតអង្គការរដ្ឋអ៊ីស្លាមនៅអាកាសយានដ្ឋានក្រុងកាប៊ុលដែលបានផ្តាច់ជីវិតមនុស្ស ៨៥នាក់…
