Post News Media ព័ត៌មានបច្ចេកវិទ្យា របៀបផ្សាយផ្ទា...

របៀបផ្សាយផ្ទាល់វីដេអូនៅលើកម្មវិធី Instagram

Facebook អាចផ្សាយផ្ទាល់វីដេអូបាន Instagram ក៏អាចធ្វើបានដូចគ្នា។ ថ្មីៗនេះកម្មវិធី ​Instagram បានដាក់ចេញមុខងារថ្មីមួយឈ្មោះ Live Stories ដែលអនុញ្ញាតឲ្យអ្នកប្រើប្រាស់ចែករំលែកការផ្សាយផ្ទាល់វីដេអូនៅលើកម្មវិធី Instagram Stories បានដោយក្តីរីករាយ។ មិត្តភក្តិរបស់ប្រិយមិត្តនៅលើ Instagram នឹងអាចមើលឃើញការផ្សាយផ្ទាល់របស់លោកអ្នក ហើយអាចបញ្ចេញយោបល់ រួមទាំងអាចចុច Like វីដេអូដែលកំពុងផ្សាយនោះផងដែរ។

របៀបផ្សាយផ្ទាល់៖

១ – បើកកម្មវិធី ​Instagram បន្ទាប់មកចុចលើប៊ូតុងរូបកាមេរ៉ា ស្ថិតនៅផ្នែកខាងលើជ្រុងខាងឆ្វេង

២ – ចុចលើពាក្យថា Live ស្ថិតនៅរបាអក្សរជួរខាងក្រោម

៣ – ចុចលើប៊ូតុង Start Live Video ភ្លាមនោះអ្នកនឹងចាប់ផ្តើមការផ្សាយផ្ទាល់វីដេអូលើកម្មវិធី Instagram

ខណ: ពេលកំពុងផ្សាយផ្ទាល់នោះ អ្នកអាចធ្វើការមួយចំនួនបានដូចជា:

  • ចុច ២ ដងលើអេក្រង់ដើម្បីផ្លាស់ប្តូរកាមេរ៉ាផ្នែកខាងមុខ ឬខាងក្រោយ
  • សរសេរយោបល់ (Comment) ចំពោះវីដេអូ
  • ចុចលើយោបល់ណាមួយឲ្យជាប់ ដើម្បីឲ្យវាបង្ហាញលើយោបល់អ្នកដទៃផ្សេងទៀតជាប់រហូត
  • ចុចជាប់លើយោបល់ម្តងទៀត ដើម្បីដកវាចេញពីលើគេវិញ
  • បិទការបញ្ចេញយោបល់ទាំងអស់ (Turn off commenting)
  • មើលឃើញចំនួនអ្នកដែលកំពុងមើលការផ្សាយផ្ទាល់របស់យើង
  • មើលរយ: ពេលដែលអ្នកបានផ្សាយផ្ទាល់ ដោយចុចលើអក្សរ LIVE ពណ៌ផ្កាឈូក

របៀបបញ្ចប់ការផ្សាយផ្ទាល់៖

១ – ចុចលើអក្សរ End ពណ៌ស ស្ថិតនៅផ្នែកខាងលើ ជ្រុងខាងស្តាំ

២ – ចុចពាក្យថា ​End Live Video ដើម្បីបញ្ជាក់ការបញ្ចប់

បញ្ជាក់៖ ក្រោយបញ្ចប់ការផ្សាយផ្ទាល់វីដេអូរួច វីដេអូនោះនឹងលុបបាត់ដោយស្វ័យប្រវត្តិ បានសេចក្តីថាអ្នកមិនអាចមើលការផ្សាយផ្ទាល់នោះឡើងវិញទេ ហើយក៏មិនអាចរក្សាវាទុកបានផងដែរ៕