សម័យនេះ! គេនិយមប្រើប្រាស់ Google Account ប្រែថា «គណនី Google» ឬហៅថា Gmail សម្រាប់ផ្ញើសារជាអ៊ីម៉ែល ដែលអាចភ្ជាប់ជាមួយឯកសារ រួមមានរូបថត ចម្រៀង ឬវីដេអូ ឳ្យគ្នាទៅវិញទៅមក នៅពាសពេញពិភពលោក។ លើសពីនេះ នៅលើទម្រង់បែបបទសុំចូលសិក្សា ឬសុំចូលធ្វើការ សុទ្ធតែ ឃើញមានការស្នើសុំឳ្យសរសេរឈ្មោះគណនីអ៊ីម៉ែល (Gmail) សម្រាប់ងាយស្រួលក្នុងការទំនាក់ទំនង។ ហេតុដូចនេះ ប្រិយមិត្តគួរតែយល់ដឹងពីរបៀបបង្កើត Google Account ទុកសម្រាប់ប្រើប្រាស់ខ្លួនឯងមួយ ដោយមិនបាច់ពិបាកស្វែងរក និងពឹងពាក់អ្នកជំនាញមកធ្វើឳ្យនោះឡើយ។

#របៀបបង្កើត Google Account

១) ចូលទៅកាន់អាសយដ្ឋាននេះ accounts.google.com/SignUp

២) វាយបញ្ចូលព័ត៌មានផ្ទាល់ខ្លួន

ចំណាំ៖ ប្រសិនបើ ឃើញមានសញ្ញាពណ៍ក្រហមលោតចេញមក មានន័យថា ព័ត៌មានដែលបានបញ្ចូល គឺត្រូវបានគេប្រើប្រាស់រួចហើយ សូមផ្លាស់ប្ដូរថ្មីស្រដៀងនេះ។

៣) ខាងក្រោម Name ត្រូវបំពេញឈ្មោះខាងដើម ក្នុងប្រអប់ទី ១ និងឈ្មោះខាងចុង ក្នុងប្រអប់ទី ២

៤) ខាងក្រោម Choose your username ត្រូវបំពេញឈ្មោះទាំងដើម ទាំងចុង បញ្ចូលគ្នា និងហាមដកឃ្លា (ត្រូវវាយលេខ ២ ខ្ទង់បន្ថែមពីក្រោយឈ្មោះពេញ ប្រសិនបើឃើញមានលោតពណ៌ក្រហម)

៥) ខាងក្រោម Create a password និង Confirm your password ត្រូវបញ្ចូលលេខកូដសម្ងាត់ចូលក្នុងប្រអប់ទាំង ២ ឳ្យត្រឹមត្រូវដូចគ្នា

៦) ខាងក្រោម Birthday ត្រូវបញ្ចូល ខែកំណើត ក្នុងប្រអប់ទី ១ , ថ្ងៃកំណើត ក្នុងប្រអប់ទី ២, ឆ្នាំកំណើត ក្នុងប្រអប់ទី ៣

៧) ខាងក្រោម Gender ត្រូវចុចជ្រើសយក Male (សម្រាប់ភេទប្រុស) Female (សម្រាប់ភេទស្រី)

៨) ខាងក្រោម Mobile Phone ត្រូវវាយបញ្ចូលលេខទូរស័ព្ទផ្ទាល់ខ្លួន

៩) ខាងក្រោម Location ត្រូវជ្រើសរើសយកប្រទេសកម្ពុជាយើង

១០) ក្រោយពេលបំពេញព័ត៌មានចប់សព្វគ្រប់ សូមចុចលើប៊ូតុង Next Step ពណ៌ខៀវ

១១) បន្ទាប់មក ឃើញមានផ្ទាំងថ្មីលោតចេញ សូមអូសចុះក្រោមឳ្យអស់ រហូតឃើញប៊ូតុង I AGREE ពណ៌ខៀវ លោតចេញមក ត្រូវចុចលើវាភ្លាម

១២) រង់ចាំដំណើរការបន្តិច នឹងលោតចេញផ្ទាំង Very your account បន្ទាប់មកចុចលើប៊ូតុង continue -> ភ្លាមនោះ លោកអ្នកនឹងទទួលបានសារផ្ញើពីក្រុមហ៊ុន Google ចូលក្នុងលេខទូរស័ព្ទដៃ ដែលបានយកមកចុះឈ្មោះបង្កើតគណនី Google

១៣) ក្រោយពេលទទួលបានសារផ្ញើពីក្រុមហ៊ុន Goolge រួច -> សូមយកលេខកូដ ៦ ខ្ទង់ នៅក្នុងសារ មកវាយបញ្ចូលក្នុងប្រអប់ Enter verification code -> បន្ទាប់មក ចុចប៊ូតុង Continue

១៤) ក្រោយមកទៀត នឹងឃើញផ្ទាំង Welcome! លោតចេញមក បានសេចក្ដីថា ការចុះឈ្មោះបង្កើតគណនីនេះ ទទួលបានជោគជ័យហើយ

១៥) សូមចុចលើប៊ូតុង Continue ម្ដងទៀត ដើម្បីសម្រេច៕

បញ្ជាក់៖ សូមកត់ត្រារាល់ព័ត៌មានដែលបានបញ្ចូលសម្រាប់ចុះឈ្មោះគណនីនេះ ព្រោះថា វានឹងមានសារ:សំខាន់នៅពេលក្រោយ៕

@សូមកុំភ្លេចចែករំលែកចំណេះដឹងនេះទៅកាន់មិត្តភក្ដិ ឬបងប្អូន ឳ្យបានគ្រប់គ្នាផង៕