Khmer Rouge History គឺជាកម្មវិធីទូរសព្ទចល័តសម្រាប់ប្រព័ន្ធ Android ថ្មីមួយ ដែលត្រូវបានបង្កើត​ឡើងដោយមជ្ឈមណ្ឌលបុប្ផាណា ក្រោមជំនួយឧបត្ថម្ភពីសហភាពអឺរ៉ុប និងអង្គការមូលនិធិ Rei Foundation Limited ដើម្បីផ្តល់ភាពងាយស្រួលដល់យុវជនសម័យថ្មី ក្នុងការស្រាវជ្រាវស្វែងយល់អំពីប្រវត្តិសាស្រ្តខ្មែរ សម័យដ៏អន្ធកាល ៣ ឆ្នាំ ៨ ខែ ២០ ថ្ងៃ។

កម្មវិធីទូរសព្ទដៃសម្រាប់សិក្សាប្រវត្តិសាស្រ្តខ្មែរក្រហមដំបូងគេនេះ ត្រូវបានចងក្រងដោយដាក់បញ្ចូលខ្សែវីដេអូ រូបថត ចម្រៀង និងបទសម្ភាស៍អ្នករួចរស់មានជីវិតក្នុងសម័យខ្មែរក្រហម អត្ថបទសំណេរ និងលទ្ធផលនៃអង្គជំនុំជម្រះវិសាមញ្ញក្នុងតុលាការកម្ពុជា។ រាល់មាតិកា និងខ្លឹម​សារ​អត្ថបទ ត្រូវបានដាក់ឱ្យឆ្លងកាត់ការត្រួតពិនិត្យ និងផ្ទៀងផ្ទាត់ដោយអ្នកឯកទេសជាតិ និងអន្តរជាតិ ដើម្បីធ្វើឱ្យប្រាកដថាមាតិកាទាំងនោះ មានភាពសុក្រិត និងត្រឹមត្រូវតាមស្តង់ដាព័ត៌មាន។

Khmer Rouge History បែកចែកជា ៨ ជំពូក៖
១- ការឡើងកាន់អំណាចរបស់ខ្មែរក្រហម
២- ការដួលរលំនៃទីក្រុងភ្នំពេញ
៣- តើខ្មែរក្រហមកំណត់ជីវភាពប្រចាំថ្ងៃយ៉ាងដូចម្តេច
៤- គោលនយោបាយ និងមនោគមវិជ្ជាខ្មែរក្រហម
៥- រដ្ឋាភិបាលកម្ពុជាប្រជាធិបតេយ្យ
៦- ប្រព័ន្ធសន្តិសុខ
៧- ការដួលរលំនៃរបបកម្ពុជាប្រជាធិបតេយ្យ

សូមចុចត្រង់នេះ Khmer Rough History ដើម្បីទាញយកកម្មវិធីពីក្នុង PlayStore៕