ព័ត៌មានបច្ចេកវិទ្យា

ច្បាស់ហើយ កាមេរ៉ា Note 8 មានសមត្ថភាពយឹតរូប ៣ តង់ លូយកប់បែបនេះ!

ឥឡូវនេះ ចំពោះសមត្ថភាពកាមេរ៉ាទូរសព្ទដៃប្រភេទអេក្រង់ធំ​ មានប៊ិកចុចបញ្ជា Galaxy Note 8 ដែលត្រៀមប្រកាសចេញឆាប់ៗខាងមុខ មានលក្ខណ:ពិសេសអស្ចារ្យយ៉ាងណានោះ។

ការហ៊ានអះអាងបែបនេះ គឺបន្ទាប់ពីក្រុមហ៊ុន Samsung បានបង្ហាញតម្រុយយ៉ាងច្បាស់អំពីបច្ចេកវិទ្យា Zoom 3X ដែលគេជឿថា នឹងបំពាក់នៅកាមេរ៉ាភ្លោះក្រោយរបស់ Note 8 នៅលើគេហទំព័រផ្លូវការជាភាសាកូរ៉េរបស់ខ្លួន​ ដោយមានភ្ជាប់មកជាមួយបច្ចេកវិទ្យាវ័យឆ្លាត។

មិនត្រឹមតែអាចយឹតរូបភាពមកជិតចំនួន ៣ តង់ បែបអ៊ុបទិច លើសពី iPhone 7 Plus និង OnePlus 5 ប៉ុណ្ណោះទេ ប៉ុន្តែ វាក៏ត្រូវបានច្របាច់បញ្ចូលនូវបច្ចេកវិទ្យាក្រិតទីជម្រៅរូបភាពក្នុងប្លង់ សម្រាប់ជួយផ្តិតយករូបភាពយឹតចូលពីចម្ងាយបានយ៉ាងច្បាស់ និងលម្អិតល្អ ទោះឋិតក្នុងស្ថានភាពពន្លឺខ្សោយ។ បន្ថែមពីលើនោះ បើតាមរូបភាពបង្ហាញ វាក៏មានមុខងារកែផ្ទៃរូបភាពឱ្យវាមានស្ថានភាពផ្សេងៗបានទៀតផង។

ចំពោះមុខងារពិសេសទាំងនេះ អាចនឹងមិនត្រូវបានលើកមកបង្ហាញនៅថ្ងៃបើកបង្ហាញរបស់ Galaxy Note 8 នៅថ្ងៃទី ២៣ សីហា ខាងមុខ ប៉ុន្តែ Samsung ធ្លាប់មានប្រវត្តិបង្អួតមុខងារពិសេសនៃផលិតផលស្មាតហ្វូនសំខាន់​ៗរបស់ខ្លួនជាមុន។

តែទោះយ៉ាងណា ការពិតឬយ៉ាងណា គឺមានតែប្រិយមិត្តរងចាំតាមដានជាមួយ Post Tech នៅថ្ងៃបើកសម្ពោធខាងមុខតែប៉ុណ្ណោះ៕

ប្រភពព័ត៌មាន: engadget

មតិយោបល់