មុខងារដ៏ចម្បងមួយ ដែលគេជឿថានឹងមានដាក់បញ្ចូលនៅលើប្រព័ន្ធ iOS 11 បានបន្តបែកធ្លាយថែមទៀត ហើយវារឹតតែច្បាស់ឡើងខណៈថ្ងៃប្រកាសចេញទូរសព្ទដៃ iPhone ស៊េរីថ្មី នៅសល់ត្រឹមតែពីរថ្ងៃ។
Face ID របស់ក្រុមហ៊ុន Apple បើតាមព័ត៌មានចុងក្រោយបង្អស់ បានបង្ហាញកាន់តែច្បាស់ពីដំណើរការរបស់វា ក្នុងការថតសម្គាល់លើផ្ទៃមុខមនុស្ស។
Face ID enrollment process (with layout issues on first page) pic.twitter.com/KczOHEy9ir
— Guilherme Rambo (@_inside) September 9, 2017
អ្នកអភិវឌ្ឍប្រព័ន្ធ iOS សញ្ជាត្តិប្រេស៊ីលម្នាក់ បានបង្ហោះរូបថតពីរបីសន្លឹង រួមជាមួយវីដេអូដ៏ខ្លីមួយនៅលើទំព័រ Twitter របស់ខ្លួន ស្តែងឱ្យឃើញពីការដំណើរការរបស់ Face ID ដោយវាអនុញ្ញាតឱ្យអ្នកប្រើប្រាស់ជ្រើសរើសថាតើ ចង់ប្រើមុខងារនេះសម្រាប់ដោះសោលើ iPhone, Safari Autofill, AppStore ឬ iTunes ឬក៏អត់។
ចំណែកនៅក្នុងវីដេអូ ក៏មានបង្ហាញពីអេក្រង់ទូរសព្ទកំពុងធ្វើការផ្ទៀងផ្ទាត់អត្តសញ្ញាណផ្ទៃមុខអ្នកប្រើប្រាស់ នៅពេលគេបែរមុខចំកាមេរ៉ាមុខសម្រាប់ការចុះឈ្មោះជាលើកដំបូង។
Authenticating with FaceID looks like this (timing not correct because it's just the UI, not actual auth) pic.twitter.com/kvNUARDQBJ
— Guilherme Rambo (@_inside) September 9, 2017
ប្រាកដណា គ្មានប្រភពផ្លូវការណាបញ្ជាក់ថាព័ត៌មាននេះពិតនោះទេ ប៉ុន្តែ ការចង្អុលបង្ហាញ និងដំណើរការកំណត់លើផ្ទៃអេក្រង់ ពិតជាស៊ីគ្នាទៅនឹងព័ត៌មានចចាមអារ៉ាមកន្លងខ្លាំងណាស់។
ទោះយ៉ាងណា ការពិតនឹងត្រូវបានលាតត្រដាងនៅថ្ងៃទី ១២ កញ្ញា ជាមិនខាន! ដូច្នេះ សូមប្រិយមិត្តកុំភ្លេចតាមដានជាមួយ Post Tech ទាំងអស់គ្នា៕
ប្រភពព័ត៌មាន mashable
មតិយោបល់