ទើបតែកន្លងមួយសប្តាហ៍សោះ បន្ទាប់ពី iOS 11.1.1 ត្រូវបានដាក់ចេញឱ្យអ្នកប្រើប្រាស់ iDevices ទាញយក ឥឡូវ ស្រាប់តែក្រុមហ៊ុន Apple បញ្ចេញកំណែថ្មីផ្លូវការរបស់ខ្លួនមួយទៀតគឺ iOS 11.1.2 ទៅហើយ!
ភាពឆាប់រហ័សបែបនេះ កំពុងនាំឱ្យមានអ្នកប្រើប្រាស់ទូរសព្ទ iPhone និង iPad មួយចំនួនចោទសួរថា តើគួរតែធ្វើបច្ចុប្បន្នភាព (Update) វាទៀតឬទេ?
មែនទែនទៅ iOS 11.1.2 នេះ គឺដាក់ចេញសម្រាប់កែបញ្ហាដែលកំពុងកើតមាននៅលើទូរសព្ទដៃ iPhone X ប៉ុណ្ណោះ ដូចជា ទាក់ទងទៅនឹងអេក្រង់របស់វា មិនឆ្លើយតបការប៉ះបញ្ជាដោយម្រាមដៃនៅពេលសីតុណ្ហភាពធ្លាក់ចុះភ្លាមៗ ការរំខានក្នុងរូបភាព-វីដេអូ Live ថតចេញពីកាមេរ៉ា និងបញ្ហាដែលអាចបង្កឱ្យទូរសព្ទ Restart ដោយខ្លួនឯង ក្រោយពីទទួលសារដំណឹងវែងក្នុងប្រទេសអារ៉ាប់។
ជារួមមក ប្រសិនបើលោកអ្នកកំពុងប្រើប្រាស់ iPhone ក្រៅពីម៉ូឌែល X ឬក៏ម៉ូឌែល X ក៏ដោយ បើទូរសព្ទរបស់ខ្លួនកំពុងដំណើរការលើ iOS 11.1.1 ស្រួលបួលហើយ ឬគ្មានបញ្ហាធំដំអ្វីទេ គួរតែមិនចាំបាច់ដំឡើងដល់ជំនាន់ចុងក្រោយនេះទេ។
អ្វីដែលលោកអ្នកត្រូវរង់ចាំនោះគឺ iOS 11.2 ទៅវិញទេ ខណៈបច្ចុប្បន្ន ក្រុមហ៊ុនបានបញ្ចេញជំនាន់សាកល្បងទី៤ ទៅក្រុមអ្នកអភិវឌ្ឍកម្មវិធីហើយ!
មតិយោបល់