លោកអ្នកប្រហែលជាមានរូបថត-វីដេអូមួយចំនួននៅក្នុងទូរសព្ទដៃ ដែលមិនចង់ឱ្យអ្នកដទៃប៉ះពាល់ ឬបើកមើលហើយមែនទេ? បើដូច្នេះមែន​ ឈប់បារម្ភទៀតទៅ ព្រោះឯកសារទាំងនោះ គឺអាចលាក់កំបាំងបានដោយងាយតាមរយៈកម្មវិធី​ Private Photo Vault ដែលអាចទាញយកបានដោយសេរីពីក្នុង App Store (សម្រាប់ iPhone ឬ iPad) ឬ Play Store (សម្រាប់ឧបករណ៍ Android)។

កម្មវិធីនេះ អនុញ្ញាតឱ្យលោកអ្នកចូលលាក់បំបាំងរូបភាព-វីដេអូណាក៏​បាននៅ​លើទូរសព្ទដៃរបស់ខ្លួន ជាមួយការការពារដោយលេខកូដសម្ងាត់មួយ កំណត់ឡើងដោយលោកអ្នក។

ដើម្បីលាក់រូបថត-វីដេអូណាមួយ ឬច្រើន លោកអ្នកគ្រាន់តែបើកដំណើរការកម្ម​វិធី (លើកដំបូង) ដែលខ្លួនបានដំឡើងរួច ហើយដាក់លេខកូដសម្ងាត់ចំនួន ៤​ ខ្ទង់ (វាយពីរដង)។ បន្ទាប់មក ចុចលើសញ្ញាបូក (+) ដើម្បីចូលទៅកាន់រូបថត-វីដេអូដែលផ្ទុកក្នុងកម្មវិធី Photos ឬ Photo Library និងជ្រើសរើសរូបថត-វីដេអូដែលខ្លួនចង់លាក់ ដោយចុចធីកលើរូបថត-វីដេអូនីមួយៗ (លោកអ្នកក៏អាចចុចរើសយកម្តងទាំងអស់បានផងដែរដោយចុចលើ SELECT ALL)។ បន្ទាប់មកទៀត ចុចលើ DONE -> IMPORT ជាការស្រេច។

សូមលោកអ្នកចុចត្រង់នេះ Android, iOS ដើម្បីទាញយកកម្មវិធីទៅដំឡើងប្រើលើឧបករណ៍របស់ខ្លួន៕