Post News Media ព័ត៌មានអន្តរជាតិ មនុស្សរាប់ម៉ឺ...

មនុស្សរាប់ម៉ឺននាក់ដើរក្បួននៅអាល្លឺម៉ង់ គាំទ្រលោកប្រធានាធិបតីតួកគី

អាល្លឺម៉ង់: ប្រជាជនរាប់ម៉ឺននាក់នៅក្នុងប្រទេសអាល្លឺម៉ង់​ បានចេញមុខ​គាំទ្រ​លោក​ប្រធានាធិបតីតួកគី Recep Tayyip Erdogan នៅក្នុងការជួបជុំមួយ​ដែលបង្កើន​ភាព​តានតឹងផ្នែកការទូត។ នេះបើយោងតាមការចេញផ្សាយដោយសារព័ត៌មាន BBC នៅថ្ងៃទី០១ សីហា ឆ្នាំ២០១៦នេះ។

លោក Erdogan គ្រោងនឹងថ្លែងសន្ទកថាមួយនៅក្នុងទីក្រុង Cologne ដើម្បីបរិហារការប៉ុនប៉ងធ្វើ​រដ្ឋ​ប្រហារ​ពីរសប្តាហ៍​កន្លងមកតាមរយ:វីដេអូផងដែេរ។

ប៉ុន្តែកាលពីថ្ងៃសៅរ៍ តុលាការធម្មនុញ្ញអាល្លឺម៉ង់​ បានហាមឃាត់ការបញ្ចេញមតិនោះពីការចាក់ផ្សាយ។ប្រព័ន្ធផ្សព្វផ្សាយអាល្លឺម៉ង់បានឱ្យដឹងថា យ៉ាងហោចណាស់ មានមនុស្សចំនួន ៣៥.០០០នាក់ បានចេញ​មុខមកគាំទ្រលោកប្រធានាធិបតីតួកគីផងដែរ។

មនុស្សប្រមាណជា ៣លាននាក់ ដែលជាជនជាតិដើមតួកគី បានរស់នៅក្នុងប្រទេសអាល្លឺម៉ង់ ដែលភាគច្រើនបោះឆ្នោតឱ្យគណបក្ស AKP លោក Erdogan នៅក្នុងការបោះឆ្នោតតួកគីចុងក្រោយ នេះបើយោងតាមសហគមន៍តួកគីប្រចាំនៅអង្គការរបស់ប្រទេសអាល្លឺម៉ង់។

រដ្ឋមន្ត្រីក្រសួងអប់រំ យុវជននិងកីឡា លោក Akif Cagatay Kilic ដែលបានកើតនៅលើទឹកដី​អាល្លឺម៉ង់ បានឱ្យដឹងនៅទីក្រុង Cologne ថា យើងនៅទីនេះដោយសារតែការរួមជាតិរបស់យើង​នៅក្នុងប្រទេសអាល្លឺម៉ង់ ហើយការតស៊ូមតិលទ្ធិប្រជាធិបតេយ្យនិងការប្រឆាំងនឹងរដ្ឋប្រហារយោធា៕

German and Turkey 01

German and Turkey

German and Turkey 02