កូរ៉េ: នៅថ្ងៃអង្គារនេះ ប្រធានាធិបតីកូរ៉េខាងត្បូងលោក Moon Jae-in បានបញ្ជាឲ្យស៊ើបអង្កេត ចំពោះការនាំយកប្រព័ន្ធការពារ THAAD ប្រឆាំងនឹងមីស៊ីលចំនួនបួន ដែលត្រូវបានដាក់ពង្រាយពីរទីតាំងបន្ថែមទៀត នៅក្នុងប្រទេស ដោយយោធាអាមេរិក មុនពេលដំណើរការបោះឆ្នោតប្រធានាធិបតីចាប់ផ្ដើម។ នេះបើយោងតាមររ: សារព័ត៌មានចិនស៊ិនហួ ចេញផ្សាយនៅថ្ងៃទី៣០ ខែឧសភា ឆ្នាំ២០១៧។

អ្នកនាំពាក្យប្រធានាធិបតីថ្មី គឺលោក Yoon Young-chan បានប្រាប់នៅក្នុងសន្និសីទកាសែតមួយថា លោក Moon បានបង្ហាញអារម្មណ៍តក់ស្លុត និងភ្ញាក់ផ្អើលជាខ្លាំង នៅពេលដែលលោកបានដឹងថា មានការនាំយកប្រព័ន្ធការពារ THAAD ប្រឆាំងនឹងមីស៊ីលចំនួន ៤ បន្ថែមមកដាក់ពង្រាយ ដើម្បីទប់ស្កាត់នឹងការគំរាមកំហែងមីស៊ីលរបស់កូរ៉េខាងជើង ដោយមិនបានរាយការណ៍ទៅកាន់រដ្ឋាភិបាលថ្មី ឬសាធារណ:ជនឲ្យបានជ្រាបច្បាស់។

សូមជំរាបថា ការដាក់ពង្រាយប្រព័ន្ធ THAAD ដោយយោធាមេរិកនេះ ត្រូវបានយល់ព្រមក្រោមរដ្ឋាភិបាលរបស់លោក Moon ដែលវាជាបញ្ហាដ៏ចម្រូងចម្រាស់មួយ នៅក្នុងការបោះឆ្នោតប្រធានាធិបតីកូរ៉េខាងត្បូងលើកទី១០ កាលពីខែឧសភា និងបានធ្វើឲ្យមានការខឹងសម្បាយ៉ាងខ្លាំងពីសំណាក់ប្រទេសចិន ដែលជាសម្ព័ន្ធមិត្តសំខាន់ របស់កូរ៉េខាងជើង៕