ប្រធានាធិបតីសហរដ្ឋអាមេរិក លោកបារ៉ាក់ អូបាម៉ា បាននិយាយថា ការវាយប្រហារមកលើក្រុមហ៊ុន Sony Pictures ដែលជាទង្វើរបស់កូរ៉េខាងជើងនេះ វាមិនមែនជាការប្រកាសសង្គ្រាមនោះទេ ប៉ុន្តែវាជាការអំពើភារវកម្មតាមប្រៃព័ន្ធអនឡាញ។
ស្របពេលដែលរដ្ឋាភិបាលវ៉ាស៊ីនតោន កំពុងតែមានអារម្មណ៍មិនល្អជាមួយនឹងរដ្ឋាភិបាលក្រុងព្យុងយ៉ាងផងនោះ ក៏បានទម្លាក់បន្ទុកបន្ថែមចំពោះរឿង Hack របស់ក្រុមហ៊ុន Sony បន្ទាប់ពី FBI បានរកឃើញថា កូរ៉េខាងជើងជាអ្នកនៅពីក្រោយនៃការវាយប្រហារនេះ។ កូរ៉េខាងជើងបានច្រានចោលព័ត៌មាន ហើយបានស្នើសុំចូលរួមស៊ើបអង្កេត ប៉ុន្តែអាមេរិកបដិសេធ ព្រមទាំងបានគ្រោងដាក់កូរ៉េខាងជើងនៅក្នុងបញ្ចីខ្មៅនៃប្រទេសភារវកម្ម។
គួរបញ្ជាក់ផងដែរថា ចាប់តាំងពីមានការវាយប្រហារមកដល់ក្រុមហ៊ុន Sony នេះ អាមេរិកបានចេញមុខយ៉ាងខ្លាំង ព្រមទាំងបានចោទប្រកាន់ និងសង្កត់ធ្ងន់ទៅលើប្រទេសកូរ៉េខាងជើង ខណៈដែលនៅពេលនេះ Sony បានសម្រេចចិត្តមិនដាក់បញ្ចាំងរឿង “The Interview”៕
ព័ត៌មានជាតិ
មតិយោបល់