Post News Media ព័ត៌មានជាតិ កងរាជអាវុធហត្...

កងរាជអាវុធហត្ថមានតួនាទីរក្សា ការពារសន្តិសុខ សណ្តាប់ធ្នាប់សង្គម ពង្រឹងការអនុវត្តច្បាប់ និងជួយសង្គ្រោះពលរដ្ឋដែលរងគ្រោះ

ភ្នំពេញ: នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស បានមានប្រសាសន៍ថា កងរាជអាវុធហត្ថ គឺជាផ្នែកមួយនៃកងយោធពលខេមរភូមិន្ទ មានតួនាទីរក្សា ការពារសន្តិសុខ សណ្តាប់ធ្នាប់សង្គម ពង្រឹងការអនុវត្តច្បាប់ និងជួយសង្គ្រោះប្រជាពលរដ្ឋដែលរងគ្រោះមហន្តរាយផ្សេងៗ។

មានប្រសាសន៍បែបនេះ ក្នុងឱកាសដែលលោក បានអញ្ជើញជាអធិបតីក្នុងពិធីបើកវគ្គបណ្តុះបណ្តាលមន្ត្រីនគរបាលយុត្តិធម៌ ជំនាន់ទី២២ នាវេលាម៉ោង៩ថ្ងៃទី៥ ខែតុលា ឆ្នាំ២០១៦ នៅសាលាកំបូល កងរាជអាវុធហត្ថលើផ្ទៃប្រទេស និងមានការអញ្ជើញចូលរួមពីសំណាក់ លោក អ៊ុក គឹមសិទ្ធ អគ្គព្រះរាជអាជ្ញារងអមតុលាការកំពូល លោកវរសេនីយ៍ទោ មីកាអ៊ែល ហ្គីយៀម ទីប្រឹក្សាបារាំងអមបញ្ជាការដ្ឋានកងរាជអាវុធហត្ថលើផ្ទៃប្រទេស ព្រមទាំងឧត្តមសេនីយ៍ មេបញ្ជាការរង នាយរងសេនាធិការដ្ឋាន ស្នងការ ស្នងការរង នាយកសាលា លោក នាយការិយាល័យ នាយអាវុធហត្ថ សិក្ខាកាមជាច្រើនរូបអញ្ជើញចូលរួមផងដែរ។

លោកឧត្តមសេនីយ៍ទោ អឿ សាវ៉ន នាយកសាលាកំបូល បានធ្វើសេចក្តីរាយការណ៍ដល់អង្គពិធីឲ្យដឹងថា កម្មវិធីហ្វឹកហ្វឺនសម្រាប់វគ្គនេះ មានរយ:ពេលសរុបចំនួន៥ខែ ដោយចាប់ផ្តើមពីថ្ងៃទី៥ ខែតុលា ឆ្នាំ២០១៦ ដល់ថ្ងៃទី២ ខែមីនា ឆ្នាំ២០១៦ ក្នុងនោះមានខ្លឹមសារមេរៀនដូចតទៅ ៖ ក្រមព្រហ្មទណ្ឌ ក្រមនីតិវិធីព្រហ្មទណ្ឌ ក្រមសីលធម៌សម្រាប់មន្ត្រីអនុវត្តច្បាប់ ការស្រាវជ្រាវរកបទល្មើស ប៉ូលិសបច្ចេកទេសវិទ្យាសាស្ត្រ វិទ្យាសាស្ត្រសង្គម ចំណេះដឹងកងរាជអាវុធហត្ថ អប់រំចិត្តសាស្ត្រនយោបាយ ទស្សនកិច្ចសិក្សា និងចូលរួមស្តាប់សវនការ។

សូមបញ្ជាក់ថា សិក្ខាកាមដែលមកសិក្សានេះ គឺមកពីបណ្តាអង្គភាពកងរាជអាវុធហត្ថលើផ្ទៃប្រទេស កងរាជអាវុធហត្ថរាជធានីខេត្ត និងសាលាកំបូល ហើយត្រូវបានប្រឡងវាស់ស្ទង់សមត្ថភាពមុននឹងចូលរៀនសូត្រ។ សិក្ខាកាមដែលប្រឡងជាប់មានចំនួន៨៣នាក់ ក្នុងចំណោម១១៧នាក់។

យោងអនុក្រឹត្យលេខ៧៧ អនក្រ ចុះថ្ងៃទី២១ ខែធ្នូ ឆ្នាំ១៩៩៤ ស្តីពីភារកិច្ច រចនាសម្ពន្ធទូទៅរបស់កងរាជអាវុធហត្ថ ក្នុងមាត្រា៤ ចែងអំពីភារកិច្ចរបស់កងរាជអាវុធហត្ថសំខាន់ៗ៖ រ៉ាប់រងសកម្មភាពប៉ូលិសរដ្ឋបាល ប៉ូលិសតុលាការ រ៉ាប់រងសកម្មភាពពិសេសខាងយោធា និងផ្តល់កម្លាំងជួយក្រសួង ស្ថាប័ននានាតាមការស្នើសុំចាំបាច់៕

photo_2016-10-05_09-42-43

photo_2016-10-05_09-42-14

photo_2016-10-05_09-42-16

photo_2016-10-05_09-42-18

photo_2016-10-05_09-42-19

photo_2016-10-05_09-42-21

photo_2016-10-05_09-42-22

photo_2016-10-05_09-42-24

photo_2016-10-05_09-42-26

photo_2016-10-05_09-42-28

photo_2016-10-05_09-42-30

photo_2016-10-05_09-42-32

photo_2016-10-05_09-42-34

photo_2016-10-05_09-42-36

photo_2016-10-05_09-42-38

photo_2016-10-05_09-42-40

photo_2016-10-05_09-42-41