គយគល់ប្រាសាទឈ្មោះ យិន ផល្លី និង អ៊ី ឃីម គាបរទេះអ្នកក្រចំហឲ្យអ្នកមានដឹកទំនិញគេចពន្ធដើម្បីផលប្រយោជន៏ផ្ទាល់ខ្លួន
ប៉ោយប៉ែត៖ ប្រជាពលរដ្ឋដែលជាកម្មករអូសរទេះនៅតំបន់ប៉ោយប៉ែត កំពុងតែក្រពុលមុខនិងមន្ត្រីគយពីរនាក់ដែលប្រចាំការនៅចំណុចមាត់ទ្វារព្រំដែនកម្ពុជាថៃស្ថិតក្នុងភូមិក្បាលស្ពាន១សង្កាត់និងក្រុងប៉ោយប៉ែត ខេត្តបន្ទាយមានជ័យ ។ក្រុមអ្នកអូសរទេះដែលប្រកបមុខរបរស៊ីឈ្នួលដឹកទំនិញពីដីថៃមកកាន់កម្ពុជាបានលើកឡើងថា៖ សព្វថ្ងៃនេះមន្ត្រីគយដែលប្រចាំការនៅច្រកទ្វារព្រំដែនក្បែរគល់ប្រាសាទបានកំពុងតែចងកម្មចងពៀរជាមួយនិងកម្មករក្រីក្រដូចជាពួកគាត់ ព្រោះថាពួកគយទាំងនោះបានប្រើរូបភាពគាបសង្កត់កម្មករយកលេសថា៖ខ្លួនជាអ្នករកលុយបើកឲ្យមន្ត្រីរាជការ ។តែធាតុពិតពួកគេកំពុងតែបំផ្លាញប្រជាប្រិយភាពរបស់បក្សគ្រប់គ្រងអំណាចយ៉ាងច្បាស់ក្រឡែត ពោលគឺពួកគេបានគំរាមគំហែងកម្មករគ្រប់រូបភាពដូចជាចាប់រទេះដឹកទំនិញបន្តិចបន្តួចបង្គាប់ឲ្យបង់ប្រាក់ខុសប្រក្រតីជាដើម ។ ជាក់ស្តែងកាលពីថ្ងៃទី១១ខែមិនាឆ្នាំ២០១៤ លោកយិន ផល្លី និងអ៊ីឃីម បានចាប់រទេះដឹកទំនិញចំនួនពីររទេះ ក្នុងចំណោមរទេះដឹកទំនិញ៦រទេះនេះបើតាមការណ៏ឲ្យដឹងពីកម្មករម្នាក់ឈ្មោះ ណាងភេទប្រុសអាយុ២៨ឆ្នាំបានប្រាប់ឲ្យដឹកកាលពីព្រឹកមិញ ។ កម្មករខាងលើបានបន្តថា៖ ១ថ្ងៃខ្លួនបានចំណាយពេលនៅក្នុងផ្សាររោងក្លឿប្រទេសថៃដើម្បីរកម៉ូយដឹកទំនីញមកកាន់ដីខ្មែរគាត់ថា៖ទំនិញដែលគាត់បានដឹកនោះគឺជាទឹកដោះគោសញ្ញារូបគោក្រហម…