ក្រុមប្រដាប់អាវុធប្រឆាំងនឹងរដ្ឋប្រហារនៅភូមា បានសម្លាប់សមាជិកសន្តិសុខភូមាយ៉ាងហោច ១៣នាក់ និងបានចាប់ខ្លួនប៉ូលិស ៤ នាក់
របាយការណ៍ពីខាងប្រព័ន្ធផ្សព្វផ្សាយផ្សេងទៀត បាននិយាយថា មានសមាជិកសន្តិសុខភូមាចំនួន ១៥ នាក់ត្រូវបានសម្លាប់នៅទីក្រុងម៉ូប៊ី (Mobye) ភាគខាងកើតប្រទេសភូមា។ ចំណែកកងកម្លាំងការ៉ែន ដែលជាបណ្តាញក្រុមប្រឆាំងក្នុងស្រុក បានឲ្យដឹងថា សមាជិកក្រុមប្រយុទ្ធម្នាក់ត្រូវបានសម្លាប់។ វីដេអូស្តីអំពីហេតុការណ៍វាយប្រយុទ្ធគ្នានៅទីក្រុង Mobye បានបង្ហាញពីសាកសពជាច្រើន ដែលមានពាក់ឯកសណ្ឋានកងកម្លាំងសន្តិសុខភូមា។ ចំណែក រូបភាពផ្សេងទៀតបានបង្ហាញពីបុរសបួននាក់ ដែលគេនិយាយថាជាប៉ូលិសភូមា។ បុរសទាំង៤នាក់ បានដាក់ដៃនៅពីក្រោយខ្នងរបស់ពួកគេ…
