ប្រធានាធិបតី – Page 267

នៅក្នុងរូបភាពដែលក្រុម FBI របស់អាមេរិកបានបង្ហាញដែលមានសំបកលោហធាតុដែលរហែកនិងឆេះខ្មៅៗគឺត្រូវបានគេជឿជាក់ថាជាឆ្នាំងដាំបាយអគ្គិសនីដែលផ្ទុកទៅដោយគ្រាប់ដែកគោនិងបានផ្ទុះសម្លាប់មនុស្សបីនាក់ដែលមានម្នាក់ជាក្មេងប្រុសអាយុ៨ ឆ្នាំស្ត្រីម្នាក់អាយុ ២៩ ឆ្នាំនិងនិសិត្សស្រីជនជាតិចិនម្នាក់ផង។ នៅក្នុងវីដេអូដែលមាននៅខាងក្រោមគឺបានបង្ហាញពីការចូលរួមសម្តែងការសោកស្តាយចំពោះគ្រួសារជនរងគ្រោះហើយពួកគេនៅតែមានចម្ងល់និចង់ដឹងពីមូលហេតុដែលនៅពីក្រោយការបំផ្ទុះនេះ។គួរបញ្ជាក់ផងដែរថាលោកប្រធានាធិបតីបារ៉ាក់អូបាម៉ានឹងត្រៀមធ្វើដំណើរទៅកាន់ទីក្រុងបូស្តុននៅព្រឹកថ្ងៃស្អែកដើម្បីចូលរួមក្នុងពិធីបុណ្យរំលឹកសព៕ ទស្សនាវិដេអូឃ្លិបដូចខាងក្រោមនេះ៖

ព័ត៌មានជាតិ

ប្រធានធិបតីអ៊ីតាលីប្រជុំស្វែងរកដំណោះស្រាយវិបត្តិនៃការគាំងខាងផ្នែកនយោបាយ

BackupWednesday ទី03 April ឆ្នាំ2013

ស៊ិនហួរ: លោកប្រធានធិបតីអ៊ីតាលីGiorgio Napolitano និងចាប់ផ្តើមការប្រជុំក្រុមជំនាញដែលលោកបានស្នើរឲ្យជួយរកដំណោះស្រាយនានាដែលអាចជួយឲ្យវិបត្តិនៃការគាំងខាងផ្នែកនយោបាយរបស់ប្រទេសមានភាពធូរស្រាលឡើង។ លោកប្រធានាធិបតីថ្មីដែលទើបនឹងឡើងកាន់តំណែងកំពុងស្ថិតនៅក្នុងដំណើរការដ៏តានតឹងដើម្បីការពាររដ្ឋាភិបាលថ្មីដែលទើបបង្កើតឡើងបានត្រឹមរយះពេលមួយខែក្រោយការបោះឆ្នោត។ ទោះបីជាយ៉ាងណាលទ្ធផលនៃការប្រជុំនឹងប្រកាសប្រាប់នាពេលក្រោយហើយដែលត្រូវបានគេមើលឃើញថាវានឹងរួមមានការកាត់ចំណាយទៅលើប្រព័ន្ធនយោបាយដែលបានកំពុងប្រើប្រាស់នាពេលបច្ចុប្បន្ននេះដើម្បីឲ្យជៀសវាងនូវការជាប់គាំងខាងនយោបាយបែបនេះម្តងទៀត។ ការប៉ុនប៉ងបង្កើតឲ្យមានការរដ្ឋាភិបាលសារជាថ្មីរបស់បក្សឆ្វេងនិយមត្រូវបានបរាជ័យខណះដែលបក្សខាងស្តាំនិយមកំពុងតែស្នើរឲ្យមានការបញ្ចូលគ្នាក្នុងរដ្ឋាភិបាលរឺក៏បើកឲ្យមានការបោះឆ្នោសាជាថ្មីនៅក្នុងមិថុនានេះ៕

ព័ត៌មានសិល្បៈ និងកម្សាន្ត

ស្ដាប់សម្ដីតារាហូលីវ៉ូត ដែលគាំទ្រមង្គលការភេទដូចគ្នា

BackupThursday ទី28 March ឆ្នាំ2013

ការស្រឡាញ់ភេទដូចគ្នា ជាទង្វើរមួយដែលខុសនឹងច្បាប់ធម្មជាតិ ជាពិសេសមនុស្សភាគច្រើនមិនទទូលស្គាល់ ព្រមទាំងស្អប់ខ្ពើមថែមទៀតផង។ ប៉ុន្តែនាពេលបច្ចុប្បន្ននេះ មានប្រទេសជាច្រើនបានចេញច្បាប់អនុញ្ញាតឲ្យគូស្នេហ៍ដែលស្រឡាញ់ភេទដូចគ្នា អាចរៀបការបាន ហើយខាងក្រោមនេះ ជាតារាហូលីវ៉ូតល្បីៗដែលគាំទ្រឲ្យមនុស្សស្រឡាញ់ភេទដូចគ្នារៀបការ៖ 1. តារាចម្រៀងស្រីដែលល្បីល្បាញ Madonna នាងបាននិយាយថា “ខ្ញុំមិនដឹងថា អ្នកគិតយ៉ាងណានោះទេ ប៉ុន្តែសម្រាប់ខ្ញុំ គាំទ្រជានិច្ច ព្រោះថានេះជាការផ្ដល់នូវយុទ្ធធម៌មួយដល់ពួកគេ”។ 2. តារាចម្រៀង…

ព័ត៌មានជាតិ

បារ៉ាក់អូបាម៉ាទទួលស្វាគមន៍នាយករដ្ឋមន្ត្រីសិង្ហបុរីពិភាក្សាបញ្ហាសេដ្ឋកិច្ចនៅថ្ងៃអង្គារសប្តាហ៍ក្រោយ

BackupThursday ទី28 March ឆ្នាំ2013

វ៉ាស៊ីនតោន: បើយោងតាមសម្តីនៃអ្នកនាំពាក្យរបស់សេតវិមានបានឲ្យដឹងថាលោកប្រធានាធិបតីបារ៉ាក់អូបាម៉ានឹងទទួលស្វាគមន៍វត្តមានរបស់លោកនាយករដ្ឋមន្ត្រីសិង្ហបុរីLee Hsienនាថ្ងៃអង្គារសប្តាហ៍ក្រោយនេះហើយក្នុងគោលបំណងពិភាក្សាគ្នាយុទ្ធសាស្ត្រសេដ្ឋកិច្ចនិងបញ្ហាសេដ្ឋកិច្ចដែលមានឥទ្ធិពលទៅប្រជាជាតិអាស៊ីប៉ាស៊ីហ្វិក។ លោកJay Carney អ្នកនាំពាក្យរបស់សេតវិមានបាននិយាយថែមទៀតថាអាមេរិកនិងសិង្ហបុរីជាប្រទេសដែលមានសេដ្ឋកិច្ចនិងស្ថេរភាពរឹងមាំហើយយុទ្ធសាស្ត្រជាដៃគូរបស់យើងគឺឆ្លុះបញ្ចាំងពីការប្តេជ្ញាចិត្តដើម្បីបន្តកិច្ចប្រតិបត្តការដើម្បីសន្តិភាពសេ្ថរភាពនិងភាពស្ថិតស្ថេរក្នុងតំបន់អាស៊ីប៉ាស៊ីហ្វិក។ លោកCarneyក៏បានរៀបរាប់ប្រាប់ថាមេដឹកនាំទាំងពីរនិងធ្វើការប្រជុំជាលក្ខណឧបតោភាគីលើបញ្ហាស៊ីជម្រៅតែនឹងធ្វើការអនុវត្តជាមួយគ្នានឹងប្រទេសក្នុងតំបន់ជាច្រើនទៀតក្នុងតំបន់អាស៊ីបូពា៍និងអាស៊ីប៉ាស៊ីហ្វិកហើយមេដឹកនាំទាំងពីរក៏បានសន្យាថានឹងបន្តការដំណើរការនៃការចចារនិងពិភាក្សាជាមួយនិងតំបន់ប៉ាស៊ីហ្វិក៕

ព័ត៌មានជាតិ

មនុស្ស ២នាក់បានស្លាប់ក្នុងការបាញ់ប្រហារនៅប្រទេសយ៉េមែន

BackupWednesday ទី27 March ឆ្នាំ2013

ជនប្រដាប់ដោយអាវុធបីនាក់ដែលត្រូវបានគេជឿជាក់ថាជាក្រុមផ្តាច់ខ្លួនចេញពីរដ្ឋាភិបាលបានធ្វើការបាញ់ប្រហារមកលើប៉ុស្តិ៍ត្រួតពិនិត្យមួយកន្លែងស្ថិតនៅភាគខាងត្បូងនៃខេត្តAl-Dhaleaរបស់ប្រទេសយ៉េមែនហើយបានសម្លាប់ទាហានយ៉ាងហោចណាស់2នាក់ នេះបើយោងតាមសេចក្តីរាយការណ៍ពីក្រុមប៉ូលីសនិងប្រជាជនក្នុងតំបន់ប្រាប់ដល់សារពត៍មានស៊ិនហួរកាលពីថ្ងៃអង្គារម្សិលមិញនេះ។ តាមរយះការផ្តល់ព័ត៌មានមួយចំនួនពីសំណាក់ប្រជាជនបានប្រាប់ថាក្រុមឧក្រិដ្ឋជនមានគ្នាបីនាក់មកជាមួយនឹងម៉ូតូពីរគ្រឿងបានគប់គ្រាប់បែកពីរគ្រាប់ចូលប៉ុស្តិត្រួតពិនិត្យ។បើយោងតាមសាក្សីដែលបានឃើញហេតុការណ៍បានបន្តប្រាប់ទៀតថាក្រោយបន្តិចកងកំលាំងទ័ពបានប្រមូលគ្នានៅតាមតំបន់មូលដ្ឋានទ័ព។ កាលពីអាទិត្យមុនលោកប្រធានាធិបតីយ៉េមែនAbd-Rabbu Mansour Hadiបានព្យាយាមធ្វើឲ្យមានការពិភាក្សារវាងក្រុមអបគមន៍ផ្តាច់ខ្លួនជាមួយនឹងរដ្ឋាភិបាលដែលក្នុងគោលបំនងដើម្បីបញ្ចប់ការធ្វើអបគមន៍ពីភាគខាងត្បូងនៃប្រទេសនេះហើយរៀបចំរដ្ឋធម្មនុញ្ញសាជាថ្មីនិងត្រួសត្រាយផ្លូវឲ្យមានការបោះឆ្នោតជ្រើសរើសប្រធានាធិបតីនិងរដ្ឋសភានាឆ្នាំ2014។ ប៉ុន្តែបើទោបីជាយ៉ាងណាក៏ដោយមេដឹកនាំនៃក្រុមផ្តាច់ខ្លួននេះនៅតែបដិសេធធ្វើពហិកាមិនព្រមចូលរួមក្នុងការពិភាក្សាឡើយហើយខ្លួននៅតែព្យាយាមទទូចឲ្យរដ្ឋាភិបាលត្រូវតែដកទ័ពពីតំបន់ភាគខាងត្បូងនោះដែលក្រុមខ្លួនមានទីតាំងនៅ៕

ព័ត៌មានជាតិ

ប្រធានាធិបតីអាមេរិកបារ៉ាក់អូបាម៉ាធ្វើដំណើរទៅកាន់អ៊ីស្រាអ៊ែលជាលើកដំបូង(មានវីដេអូ)

BackupThursday ទី21 March ឆ្នាំ2013

ការធ្វើទស្សនកិច្ចនៅក្នុងប្រទេសអ៊ីស្រាអ៊ែលរបស់លោកប្រធានាធិបតីអាមេរិកបារ៉ាក់អូបាម៉ាជាលើកដំបូងតាំងតែពីការឡើងកាន់អំណាចអស់រយះពេល4ឆ្នាំ។ នេះជាជំនួបជាមួយលោកនាយករដ្ឋមន្ត្រីBenjamin Netanyahuក្នុងប្រធានបទពីភាក្សាលើបញ្ហាអាវុធនុយក្លេអ៊ែររបស់អ៊ីរ៉ង់ ជម្លោះក្នុងប្រទេសស៊ីរីនិងជម្លោះរបស់អ៊ីស្រាអ៊ែលនិងប៉ាលីស្ទីន។ក្នុងដំណើរទស្សនកិច្ចរបស់លោកអូបាម៉ារយះពេលបីថ្ងៃនេះក៏មានជំនួបជាមួយនិងមេដឹកនាំរបស់ប៉ាលីស្ទីនផងដែរ។ យើងនាំគ្នាទៅមើលការធ្វើគេរវកិច្ចរបស់អ៊ីស្រាអ៊ែលចំពោះមេដឹកនាំអាមេរិកទាំងអស់គ្នា៖

ព័ត៌មានជាតិ

អាមេរិកធ្វើពិធីរំឭកខួប ១០ ឆ្នាំ សង្គ្រាមលុកលុយក្នុងប្រទេសអ៊ីរ៉ាក់

BackupWednesday ទី20 March ឆ្នាំ2013

លោកប្រធានាធិបតីបារ៉ាក់អូបាម៉ានិងលោករដ្ឋលេខាធិការក្រសួងការពារជាតិកាលពីម្សិលមិញបានធ្វើពិធីរំឭកខួប10ឆ្នាំនៃការសង្គ្រាមលុកលុយក្នុងប្រទេសអ៊ីរ៉ាក់។ នៅក្នុងសន្ទរកថាលោកអូបាម៉ាបាននិយាយយ៉ាងក្រៀមក្រំពីការលះបង់ទាហានអាមេរិកប្រហែល4500នាក់នៅក្នុងសង្គ្រាមហើយលោកបានសន្យាបន្តការសហការជាមួយអ៊ីរ៉ាក់ក្នុងការធ្វើឲ្យប្រសើរឡើងនៃសុខសុវត្ថិភាពជូនប្រជាពលរដ្ឋអ៊ីរ៉ាក់។លោកក៏សន្យាជូនទាហាន30000នាក់ទៀតដែលបានរងពលីនិងរបួសឲ្យទទួលបានសំណងនិងការថែរក្សាយ៉ាងគ្រប់គ្រាន់បំផុតពីសំណាក់រដ្ឋាភិបាលអាមេរិក។ លោករដ្ឋលេខាធិការរបស់អាមេរិកក៏បាននិយាយដែលថាប្រជាជនអ៊ីរ៉ាក់នឹងក្លាយជាអ្នកកំណត់អនាគតប្រទេសជាតិខ្លួនហើយអាមេរិកនឹងនៅគ្រាន់តែជាអ្នកឧបត្ថម្ភគាំទ្រពីក្រោយប៉ុណ្ណោះ។ នៅចាំបានថាកាលពី10ឆ្នាំមុនកងកំលាំងទាហានអាមេរិកបានចាប់ផ្តើមធ្វើសង្គ្រាមចូលអ៊ីរ៉ាក់ហើយបន្ទាប់មកក៏បានទម្លាក់និងកំចាត់អំណាចរបស់លោកសាដាមហ៊ូសេនបានសម្រេចទាំងស្រុងនាឆ្នាំ2011។ ប្រទេសអាមេរិកជាអ្នកគាំទ្រនិងបោះឆ្នោតឲ្យមានសង្គ្រាមជាមួយអ៊ីរ៉ាក់ កើតឡើងតែទោះបីជាយ៉ាងណាក៏ដោយឥឡូវនេះខ្លួនហាក់ដូចជាបង្ហាញពីភាពសោកស្តាយចំពោះវិនាសកម្មសង្គ្រាមមួយនេះដែរ៕

ព័ត៌មានជាតិ

អារ៉ាប់រួមសម្ពោធបើកឲ្យប្រើប្រាស់នូវរោងចក្រផលិតថាមពលដែលទទួលបានពីព្រះអាទិត្យធំជាងគេលើពិភពលោក

BackupMonday ទី18 March ឆ្នាំ2013

លោកប្រធានាធិបតីនៃសហរដ្ឋអារ៉ាប់រួមSheikh Khalifa Bin Zayed Al-Nahyanកាលពីថ្ងៃអាទិត្យនេះបានធ្វើពិធីសម្ពោធបើកឲ្យប្រើប្រាស់នូវរោងចក្រផលិតថាមពលដែលទទួលបានពីព្រះអាទិត្យដែលមានទំហំដល់ទៅ១០០មេហ្គាវ៉ាត់ដែលមានទីតាំងនៅវាលខ្សាច់នៃទីក្រុងអាប៊ូដាបៃហើយត្រូវបានគេជឿជាក់ថាជារោងចក្រដ៏ធំជាងគេលើលោកដែលផលិតនូវថាមពលប្រភេទនេះ។ រោងចក្រមួយនេះត្រូវបានសាងសង់ឡើងលើដីទំហំប្រមាណ២,៥គីឡូម៉ែតក្រឡាដែលចំណាយទឹកប្រាក់អស់៦០០លានដុល្លារគឺជាការបញ្ចូលគ្នានៃបច្ចេកវីទ្យាចុងក្រោយដោយមានកញ្ចក់២៥៨០០០ផ្ទាំង។លទ្ធផលដែលអាចទទួលបានគីប្រជាជនប្រហែលជា២០០០០គ្រួសារនឹងអាចប្រើប្រាស់នូវថាមពលដែលប្រមូលបាននេះ។ លោកប្រធានធិបតីបានអបអរសាទរនិងលើកសរសើរថារោងចក្រដែលមានឈ្មោះSham1គឺជាបង្គោលយ៉ាងសំខាន់នៃសេដ្ឋកិច្ចជាតិនិងវាបានបង្ហាញពីសញ្ញាណនៃដំណើរការឆ្ពោះទៅមុខនៃសន្តិសុខវិស័យថាមពលរបស់ខ្លួនហើយទ្រង់មានព្រះរាជបន្ទូលថាសហភាពអារ៉ាប់និងបន្តប្តេជ្ញាចិត្តក្នុងការបន្តការអភិវឌ្ឍនិងថែរក្សាក្នងនាមខ្លួនជាអ្នកផ្គត់ផ្គង់ថាមពលដ៏ធំក្នុងតំបន់។ សហរដ្ឋអារ៉ាប់រួមពឹងផ្អែកសំខាន់លើការនាំចេញប្រេងកាតហើយខ្លួនមានគោលបំណងក្នុងការកាត់បន្ថយនូវការប្រើប្រាស់ប្រេងក្នុងស្រុកពីប្រមាណជា៩៩ភាគរយនាពេលបច្ចុប្បន្នមកត្រឹមតែ៧៥ភាគរយនៅឆ្នាំ២០៣០។ការចាប់ផ្តើមនៃការបង្កើតឲ្យមានរោងចក្រSham1គីជាជំហានដ៏ជោគជ័យហើយវាក៏ជាគោលបំណងរបស់ទីក្រុងអាប៊ូដាបៃដើម្បីទទួលបាននូវថាមពលប្រើប្រាស់សរុប៧ភាគរយនាឆ្នាំ២០២០៕

ព័ត៌មានជាតិ

ប្រធានាធិបតីថ្មីចិនពិភាក្សាការងារជាមួយនិង Barak Obamaតាមរយៈទូរស័ព្ទ

BackupFriday ទី15 March ឆ្នាំ2013

ប្រជានាធិបតីថ្មីនៃប្រទេសចិនបានជួបសំណេះសំណាលជាមួយនឹងលោកប្រធានាធិបតីរបស់អាមេរិកកាលពីថ្ងៃម្សិលមិញតាមរយះប្រព័ន្ធទូរស័ព្ទក្នុងគោលបំណងបង្កើននិងពង្រីកទំនាក់ទំនងថែមទៀតនិងការគោរពរវាងគ្នានឹងគ្នាផងដែរ។ ក្នុងឱកាសដើម្បីអបអរការឡើងកាន់តំណែងរបស់លោកXi JinpingលោកBarak Obamaបានមានប្រសាសថាទំនាក់ទំនងរបស់ចិននិងអាមេរិកក្នុងរយះពេល4ឆ្នាំចុងក្រោយនេះគឺពិតជាល្អខ្លាំងណាស់ ទំនាក់ទំនងរវាងពួកយើងអាមេរិកនិងចិនគឺអាចបង្កើតនូវប្រវត្តិសាស្ត្រមួយនៃការអភិវឌ្ឍន៍នាថ្ងៃអនាគត។ Obamaបាននិយាយបន្ថែមទៀតថាភាគីខាងអាមេរិកមានបំណងពង្រឹងកិច្ចសហប្រតិបត្តការរវាងគ្នាតាមរយះយុទ្ធសាស្ត្រសេដ្ឋកិច្ចពាណិជ្ជកម្ម ការមើលថែរក្សាស្ថេរភាពនិងសន្តិភាពជូនប្រជាជាតិអាស៊ីប៉ាស៊ីហ្វិច។ លោកXiបានឆ្លើយតបទៅវិញថាចិននឹងអាមេរិកគឺពិតជាអាចថែរក្សានិងពង្រីកចំណងទំនាក់ទំនងតាមរយះភាពទុកចិត្តគ្នាទៅវិញទៅមកនិងភាពជាដៃគូដែលមានលក្ខណះរឹងមាំនិងស្ថិតស្ថេរ។លោកXiក៏បានសង្កត់ធ្ងន់ដែលថារយះពេលយូរយ៉ាងណាដែលភាគីទាំងសងខាងគោរពនិងឲ្យភាពទុកចិត្តរវាងគ្នានិងគ្នា នោះប្រជាជាតិអាស៊ីអាគ្នេយនិងជាអ្នកទទួលផលច្រើនជាងគេហើយវានឹងអាចប្រែក្លាយទ្វីបមួយនេះជាតំបន់ដែលមានសន្តិសុខនិងសន្តិភាពពេញបូរិបូរណ៍។ អ្នកទាំងពីរក៏បានពិភាក្សាគ្នាទៅលើស្ថានភាពមួយចំនួននៅលើពិភពលោកដូចជាបញ្ហាឧបទ្វីបកូរ៉េនិងតំបន់មានវិបត្តជាច្រើនទៀតហើយលោកXiក៏បានបញ្ជាក់ផងដែរថាចិននឹងរក្សាចំហររបស់ខ្លួនក្នុងការធានាឲ្យមានការកែប្រែនូវវិបត្តទាំងនោះ។

ព័ត៌មានជាតិ

ប្រធានាធិបតីបណ្តោះអាសន្នរបស់ប្រទេសវេណេស្ស៊ុយអេឡាNicolas Maduroជាបេក្ខភាពបោះឆ្នោតជាតិ

BackupTuesday ទី12 March ឆ្នាំ2013

លោកប្រធានាធិបតីបណ្តោះអាសន្នរបស់ប្រទេសវេណេស្ស៊ុយអេឡាNicolas Maduroកាលពីថ្ងៃច័ន្ទកន្លងទៅនេះបានចុះឈ្មោះឈរតាំងបោះឆ្នោតជាបេក្ខភាពប្រធានាធិបតីមកពីគណះបក្សសង្គមនិយមរួចរាល់ហើយ។ ក្រុមប្រឹក្សាបោះឆ្នោតជាតិThe National Electoral Council(CNE)បានប្រកាសពីការរៀបចំការបោះឆ្នោតសារជាថ្មីកាលពីថ្ងៃអង្គារបន្ទាប់ពីការស្លាប់របស់ប្រមុខរដ្ឋរួចមក គឺតាមការកំណត់របស់រដ្ឋធម្មនុញ្ញរបស់ជាតិដែលត្រូវមានរយះពេល30ថ្ងៃបន្ទាប់ពីបុណ្យសព។ លោកMaduroបានមានប្រសាសថា”ខ្ញុំមិនមែនជាលោកប្រធានាធិបតីCharvezទេ តែខ្ញុំជាកូនរបស់គាត់ហើយអ្នករាល់គ្នាជាមនុស្សរបស់Chavez។ខ្ញុំនៅទីនេះដើម្បីបន្តគោលនយោបាយរបស់គាត់ហើយខ្ញុំនឹងប្តេជ្ញាចិត្តសម្រាប់មនុស្សរាល់គ្នា”។ លោកក៏បានសន្យាទៀតថាលោកនឹងបន្តកំណត់ឲ្យបានភាពជោគជ័យនៃយុទ្ធសាស្ត្រប្រវត្តសាស្ត្រទាំងប្រាំដែលលោកChavezបានសន្យាកាលពីការឃោសនាបោះឆ្នោតលើកមុនរបស់លោកដើម្បីប្រែក្លាយប្រទេសជាតិឲ្យកាន់តែខ្លាំងក្លា។លោកក៏បានអំពាវនាវដល់អ្នកគាំទ្រនឹងប្រជាពលរដ្ឋទាំងអស់ថែរក្សានូវសន្តិភាពនិងការពារកុំឲ្យមានអំពើអហិង្សានានាដែលអាចកើតឡើងក្នុងកំឡុងពេលឃោសនារកសំឡេងឆ្នោតរវាងគ្នានិងគ្នាឲ្យសោះ។ ក្រុមប្រឹក្សាបោះឆ្នោតជាតិបានកំណត់យកថ្ងៃទី14មេសាសម្រាប់ការបោះឆ្នោតជ្រើសតាំងប្រធានាធិបតីលើកនេះហើយប្រកាសទុករយះពេល10ថ្ងៃសម្រាប់ការប្រជែងនិងឃោសនារកសំឡេងឆ្នោតរបស់បក្សទាំងឡាយ៕

Tag: ប្រធានាធិបតី

គ្រាប់បែកដែលដាក់បំផ្ទុះនៅក្នុងទីក្រុងបូស្តុនគឺត្រូវគេខ្ចប់នៅក្នុងឆ្នាំងដាំបាយអគ្គិសនី

ប្រធានធិបតីអ៊ីតាលីប្រជុំស្វែងរកដំណោះស្រាយវិបត្តិនៃការគាំងខាងផ្នែកនយោបាយ

ស្ដាប់សម្ដីតារាហូលីវ៉ូត ដែលគាំទ្រមង្គលការភេទដូចគ្នា

បារ៉ាក់អូបាម៉ាទទួលស្វាគមន៍នាយករដ្ឋមន្ត្រីសិង្ហបុរីពិភាក្សាបញ្ហាសេដ្ឋកិច្ចនៅថ្ងៃអង្គារសប្តាហ៍ក្រោយ

មនុស្ស ២នាក់បានស្លាប់ក្នុងការបាញ់ប្រហារនៅប្រទេសយ៉េមែន

ប្រធានាធិបតីអាមេរិកបារ៉ាក់អូបាម៉ាធ្វើដំណើរទៅកាន់អ៊ីស្រាអ៊ែលជាលើកដំបូង(មានវីដេអូ)

អាមេរិកធ្វើពិធីរំឭកខួប ១០ ឆ្នាំ សង្គ្រាមលុកលុយក្នុងប្រទេសអ៊ីរ៉ាក់

អារ៉ាប់រួមសម្ពោធបើកឲ្យប្រើប្រាស់នូវរោងចក្រផលិតថាមពលដែលទទួលបានពីព្រះអាទិត្យធំជាងគេលើពិភពលោក

ប្រធានាធិបតីថ្មីចិនពិភាក្សាការងារជាមួយនិង Barak Obamaតាមរយៈទូរស័ព្ទ

ប្រធានាធិបតីបណ្តោះអាសន្នរបស់ប្រទេសវេណេស្ស៊ុយអេឡាNicolas Maduroជាបេក្ខភាពបោះឆ្នោតជាតិ