ប្រធានាធិបតី – Page 268

លោកអនុប្រធានាធិបតីនៃប្រទេសវេណេស្ស៊ុអេឡាNicolas Maduroបានប្រកាសនិងបញ្ជាឲ្យមានពិធីកាន់មរណៈទុក្ខចំនួន7ថ្ងៃទូទាំងប្រទេស

BackupThursday ទី07 March ឆ្នាំ2013

លោកអនុប្រធានាធិបតីនៃប្រទេសវេណេស្ស៊ុអេឡាNicolas Maduroបានប្រកាសនិងបញ្ជាឲ្យមានពិធីកាន់មរណៈទុក្ខចំនួន7ថ្ងៃទូទាំងប្រទេសសម្រាប់អតីតលោកប្រធានាធិបតីHugo Chavez។ វិក្រិតការដែលចុះហត្ថលេខាដោយលោកMaduroពីថ្ងៃអង្គារត្រូវបានផ្សព្វផ្សាយនិងបញ្ជាឲ្យមានពិធីកាន់ទុក្ខរបស់ប្រទេសជាតិទាំងមួលក្នុងការចូលរួមសោកស្តាយការឈឺចាប់នៃការបាត់បង់វីរះបុរសនិងបិតាជាតិខ្លួន។ការចុះហត្ថលេខារបស់លោកMarduroគឺហាក់បញ្ជាក់ពីអនាគតនៃការជ្រើសតាំងប្រធានាធិបតីថ្មីរបស់វេណេស្ស៊ុយអេឡាទៅហើយពីព្រោះថាមានតែតំណែងជាប្រធានាធិបតីទេដែលមានសិទ្ធិធ្វើកិច្ចការនេះ។សូមបញ្ជាកថាលោកMarduroដែលមានអាយុ51ឆ្នាំធ្លាប់ជារដ្ឋមន្ត្រីក្រសួងការបរទេសហើយបន្ទាប់មកក៏ផ្លាស់ប្តូរតំណែងជាអនុប្រធានាធិបតីនៅឆ្នាំ2012ខែតុលាជំនួសនឹងការផ្លាស់ប្តូរលោកElias Jauaទៅកាន់តំណែងរដ្ឋមន្ត្រីការបរទេសទៅវិញ។ មុនពេលចាប់ផ្តើមធ្វើការព្យាបាលនៅគុយបាលោកHugo Chavezបានប្រកាសប្រាប់សហការីរបស់លោកឲ្យបោះឆ្នោតឲ្យលោកMarduroប្រសិនបើលោកChavezមិនអាចឆ្លងកាត់ដំណាក់កាលនោះបាន។ ទង់ជាតិនានាត្រូវប្រកាសឲ្យបង្ហូតត្រឹមពាក់កណ្តាលនៅតាមគ្រប់ស្ថាប័នទាំងអស់នៅក្នុងប្រទេសរហូតដល់ថ្ងៃទី11មិនា។ការលក់ដូរជាតិសុរាកន្លែងកំសាន្តនានានិងក្រៅតែពីអជ្ញាធរដែលមានសមត្ថកិច្ច ប្រជាពលរដ្ឋដទៃទៀតមិនមានសិទ្ធិក្នុងការប្រើប្រាស់អាវុធឡើយ។ តាមរយះរដ្ឋធម្មនុញ្ញនៃប្រទេសគឺក្រោយពេលអវត្តមានប្រធានាធិបតីក្នុងប្រការណាមួយ លោកអនុប្រធានាធិបតីនឹងទទួលតំណែងនេះហើយត្រូវបើកឲ្យមានការបោះឆ្នោតក្នុងកំឡុងពេល30ថ្ងៃបន្ទាប់៕

ព័ត៌មានជាតិ

ក្រុមប្រដាប់អាវុធបានធ្វើការឆ្មក់និងចាប់ជំរិតក្រុមកងកំលាំងស៊ើបអង្កេតការណ៍របស់អង្គការសហប្រជាជាតិ

BackupThursday ទី07 March ឆ្នាំ2013

កាលពីថ្ងៃពុធម្សិលមិញនេះក្រុមប្រដាប់អាវុធបានធ្វើការឆ្មក់និងចាប់ជំរិតក្រុមកងកំលាំងស៊ើបអង្កេតការណ៍ផ្នែកការដកទ័ពរបស់អង្គការសហប្រជាជាតិUN disengagement Observer Force( UNDOF ) ក្នុងតំបន់Golan Heightsក្បែរភាគខាងត្បូងនៃខេត្តDaraa។ ការចាប់ជំរិតនេះក្នុងឡេសជាថ្នូរទាមទារឲ្យកងយោធាស៊ីរីត្រូវធ្វើការដកទ័ពចេញពីតំបន់នេះ។ ក្រុមប្រឆាំងដែលត្រូវគេស្គាល់ថាជាក្រុមShuhada al-Yarmouk Battalionបាននិយាយប្រាប់ទៅកងកំលាំងរបស់លោប្រធានាធិបតីAssadថាត្រូវតែដកកំលាំងទ័ពរបស់ខ្លួនក្នុងរយះពេល24ម៉ោងឲ្យអស់ពីភូមិមួយដែលនៅក្បែរតំបន់Golenបើមិនដូច្នោះទេចំណាត់ខ្មាំងនឹងត្រូវចាត់ទុកជាឈ្លើយសឹក។ ក្រុមភ្នាក់ងារសារពត៍មានរបស់ស៊ិនហួរបានទៅដល់មូលដ្ឋាននៃអង្គការសហប្រជាជាតិមានទីតាំងនៅក្រុងដាម៉ាស ប៉ុន្តែមិនបានទទួលនូវការផ្តល់សំភាសណាមួយពីអ្នកនាំពាក្យរបស់UN ឡើយ តែគ្រាន់តែកត់សំគាល់ថានេះជាលើកទីមួយហើយដែលមានការជំរិតកើតឡើងតាំងតែពីសង្គ្រាមក្នុងស៊ីរីអស់រយះពេលជិត2ឆ្នាំមកនេះ។ចំនួននៃចំណាត់ខ្មាំងមានប្រមាណប្រហែលជា20នាក់នៅក្នុងការចាប់ជំរិតលើកនេះ។ គួរបញ្ជាក់ផងដែរថាUNDOFត្រូវបានបង្កើតឡើងក្នុងគោលបំណងធ្វើប្រតិបត្តការនិងឃ្លាំមើលដំណើរនៃការបាញ់ប្រហារគ្នារវាងប្រទេសស៊ីរីនិងអ៊ីស្រាអ៊ែល៕

ព័ត៌មានជាតិ

តម្លៃប្រេងសាំងនឹងឡើងថ្លៃបន្ទាប់ពីការស្លាប់របស់ប្រធានាធិបតីប្រទេសវេណេហ្ស៊ូអេឡា

BackupWednesday ទី06 March ឆ្នាំ2013

តម្លៃប្រេងនឹងឡើងថ្លៃនៅក្នុងតំបន់អាស៊ាននៅពីក្រោយការស្លាប់របស់លោកHugo Chavezប្រធានាធិបតីនៃប្រទេសVenezuelaនិងជាមេដឹកនាំនៃក្រុមប្រទេសផលិតប្រេងឆៅនៃតំបន់អាមេរិកឡាទីនផងនោះ ដោយផ្អែកលើការលើកឡើងរបស់អ្នកវិភាគមួយចំនួន។ លោកJason Hughesប្រធាននៃផ្នែកគ្រប់គ្រងប្រាក់ទួទាត់អតិថិជននៃក្រុមហ៊ុនIGប្រចាំប្រទេសសិង្ហបុរីបានមានប្រសាសន៍ឲ្យដឹងថាភាពមិនច្បាស់លាស់នៅតំបន់ឡាទីនកាន់តែកើនឡើងហើយពូកយើងមិនអាចទាន់ធ្វើអ្វីបានក្រោយតែពីការអង្គុយចាំមើលសញ្ញាណផ្សេងៗក្រោយមរណៈភាពរបស់មេដឹកនាំរូបនេះ។បញ្ជាក់ផងដែរថាប្រទេសVenezuelaជាប្រទេសសមាជិកសំខាន់មួយក្នុងអង្គការនាំចេញប្រេងពិភពលោកthe Organization of the Petroleum Exportiong Countries ( OPEC )ម្លោះហើយការស្លាប់របស់លោកអាចនឹងមានឥទ្ធិពលដល់ប្រទេសទាំងមួលនិងថែមទាំងមានឥទ្ធិពលដល់ការនាំចេញនិងតម្លៃរបស់ប្រេងឆៅរបស់ពិភពលោកដែរ។ លោកChavezបានទទួលមរណៈភាពកាលពីថ្ងៃម្សិលមិញបន្ទាប់ពីការត្រឡប់ពីការព្យាបាលនៅគុយបាអស់មួយរយះក្នុងខណះដែលលោកមានអាយុ58ឆ្នាំដោយសារជំងីមហារីក។មរណះភាពរបស់លោកនឹងអាចធ្វើឲ្យប្រទេសអ្នកមានខាងប្រេងឆៅមួយនេះនឹងធ្លាក់ទៅក្នុងអនាគតមិនប្រក្រតីណាមួយ៕

ព័ត៌មានជាតិ

ប្រធានាធិបតីរបស់ប្រទេសវេណេស្ស៊ុយអេឡា Hugo Chavezបានទទួលមរណៈភាព

BackupWednesday ទី06 March ឆ្នាំ2013

លោកប្រធានាធិបតីរបស់ប្រទេសវេណេស្ស៊ុយអេឡា Hugo Chavezបានទទួលមរណៈភាពហើយកាលពីម្សិលមិញនៅមន្ទីរពេទ្យCaracasក្នុងការប្រកាសពីលោកអនុប្រធានាធិបតី Nicols Maduro តាមទូរទស្សន៍ជាតិនិង វិទ្យុជាតិ។ ការស្លាប់របស់លោកគឺក្រោយបន្ទាប់ពីការត្រឡប់ពីគុយបាវិញកាលពីថ្ងៃ18កុម្ភះថ្មីៗនេះ។ការព្យាបាលនិងវះកាត់នៅគុយបាគឺមានរយះពេល70ថ្ងៃហើយបន្ទាប់មកគាត់ក៏ត្រូវបានបញ្ជូនត្រឡប់មកប្រទេសរបស់លោកវិញ។ លោកបានទទួលការកាន់កាប់អំណាចអស់រយះពេល14ឆ្នាំ។គាត់ត្រូវបានប្រជាជនបោះឆ្នោតឲ្យលោកជាប់ឆ្នោតសម្រាប់មួយអាណត្តិទៀតកាលពីខែតុលាឆ្នាំមុន ហើយក៏បានអាកខានមិនបានធ្វើការសច្ចាប្រណិធានសម្រាប់តំណែងរបស់លោកកាលពីខែមករានេះដែរ គឺតែដោយលក្ខណសុខភាពបានរុញច្រានលោកហូតពីឆាកនយោបាយមកទល់នឹងការស្លាប់៕

ព័ត៌មានជាតិ

មនុស្ស ៤០នាក់ បានស្លាប់ និង ១៣៥ នាក់រងរបួសក្នុងហេតុការណ៍បំផ្ទុះគ្រាប់បែកនៅប៉ាគីស្ថាន

BackupMonday ទី04 March ឆ្នាំ2013

ស៊ីនហូរ៖យ៉ាងហោចណាស់មនុស្ស40នាក់បានសម្លាប់ហើយ135នាក់ទៀតរងរបួសក្នុងហេតុការណ៍បំផ្ទុះគ្រាប់បែកអត្តឃាតក្នុងតំបន់មួយដែលមានមនុស្សរស់នៅច្រើនក្នុងខេត្តKarachiកាលពីយប់ថ្ងៃសៅរ៍។ លោកAftab Khatriរដ្ឋលេខាធិការនៃក្រសួងសុខាភិបាលបានមានប្រសាសន៍ថាចំនួនអ្នកស្លាប់នឹងអាចកើនឡើងពីព្រោះថាមួយចំនួនធំនៃអ្នករងគ្រោះធ្ងន់ធ្ងរសុទ្ធតែជាស្ត្រីនិងកុមារ។ប៉ូលីសជាន់ខ្ពស់នៃទីក្រុងKarachiបានបង្ហាញថាការបំផ្ទុះគឺត្រូវធ្វើឡើងដោយការប្រើប្រាស់ឧបករណ៍បញ្ជាដែលបានដាក់ទុកចោលក្នុងរថយន្តមួយគ្រឿងដែលចតទុកនៅក្បែរតំបន់ដែលមនុស្សយ៉ាងច្រើន។ គ្រាប់បែកដែលបានបំផ្ទុះត្រូវបានជឿជាក់ថាមានទំងន់ទៅដល់150គីឡូក្រាមដែលមានបន្ថែមនូវសារធាតុគិមីម្យ៉ាងក្នុងការធ្វើឲ្យមានភ្លើងឆេះយ៉ាងខ្លាំងបន្ទាប់ពីផ្ទុះ។នៅមិនទាន់មានក្រុមណាមួយចេញមកទទួលខុសត្រូវលើការផ្ទុះនេះនៅឡើយ។ ទាំងលោកប្រធានាធិបតីAsif Ali Zardari និងលោកនាយករដ្ឋមន្ត្រីRaja Parvez Ashrafបានអញ្ជើញទៅដល់មន្ទីរពេទ្យដើម្បីបញ្ចាក់ពីការចូលរួមសម្តែងការសោកស្តាយហើយលោកក៏បានបញ្ជាឲ្យទូទាំងប្រទេសត្រូវបង្ហូតទង់ពាក់កណ្តាលជាការកាន់ទុកដល់ជនរងគ្រោះទាំងអស់៕

ព័ត៌មានជាតិ

អត្រាអ្នកគ្មានការងារធ្វើនៅបារាំងកើនឡើង

BackupThursday ទី28 February ឆ្នាំ2013

ក្រសួងការងារបារាំង បានឲ្យដឹងថា អត្រានៃអ្នកគ្មានការងារ នៅក្នុងប្រទេសបានកើនឡើង ១,៤ភាគរយ គិតត្រឹមខែមករា ឆ្នាំ ២០១៣ នេះបើយោងតាមទីភ្នាក់ងារព័ត៌មានចិន ស៊ិនហួ ចុះផ្សាយនៅថ្ងៃទី ២៧ខែកុម្ភៈ។ តួលេខមួយចំនួនបង្ហាញដោយក្រសួងការងារបានបញ្ជាក់ថា នៅក្នុងខែមករា មានពលរដ្ឋ បារាំងចំនួន ៤៣,៩០០នាក់ ដែលគ្មានការងារធ្វើ សរុបអ្នកដែលគ្មាន ការងារមានរហូតដល់…

ព័ត៌មានជាតិ

ពីរសប្តាហ៍ទៀតអាមេរិកដកទ័ពពីអាហ្គានីស្ថាន

BackupMonday ទី25 February ឆ្នាំ2013

ស៊ិនហួរ៖ ពីរសប្តាហ៍ទៀត កងទ័ពពិសេសរបស់អាមេរិកនឹងលែងមានវត្តមាននៅលើខេត្តភាគខាងកើតនៃអាហ្គានីស្ថានទៀតហើយ។ លោកប្រធានាធិបតីអាហ្គានីស្ថាន Hamin Karzai បានបញ្ជាឲ្យកងទ័ពពិសេសរបស់អាមេរិកដកទ័ពពីខេត្ត Wardak ក្នុងអំឡុងពេលពីរសប្តាហ៍ទៀត។ លោកប្រធានាធិបតីបានមានប្រសាសន៍កាលពីក្នុងកិច្ចប្រជុំក្រុមប្រឹក្សាសន្តិសុខជាតិដោយសម្រេចឲ្យក្រសួងការពារជាតិជាអ្នកជួយដំណើរការដកទ័ពពីតំបន់នេះ។ ការសម្រេចចិត្តដកទ័ពនេះគឺផ្តោតសំខាន់ទៅលើការប្រតិបត្តិការប្រឆាំងពូកកុបកម្មដែលកើតបានឡើងថ្មីនេះនៅក្នុងតំបន់ Wardak។ មួលហេតុចម្បងដែលធ្វើឲ្យមានកុបកម្មនានាកើតឡើងផងនោះគឺបណ្តាលមកពីការសង្ស័យថាការងាររបស់កងទ័ពរបស់អាមេរិកដែលកំពុងមានការចូលរួមមួយភាគពីខាងអាហ្គានីស្ថានគីគ្រាន់តែបានធ្វើបន្លំភ្នែកប្រជាជនហើយការធ្វើទារុណកម្មទៅលើប្រជាជនពីសំណាក់កងទ័ពនៅតែមាន៕

ព័ត៌មានជាតិ

គុយបាផ្លាស់ប្តូរនិងតែងតាំងសមាជិកជាច្រើនក្នុងសភាជាតិ

BackupMonday ទី25 February ឆ្នាំ2013

ស៊ិនហួរ៖កាលពីថ្ងៃអាទិត្យម្សិលមិញនេះ រដ្ឋសភាជាតិរបស់គុយបាដែលមានសមាជិក612 បានបោះឆ្នោតឲ្យលោក Raul Castro ធ្វើជាប្រធានក្រុមប្រឹក្សាជាតិក្នុងអាណត្តិទីពីរសម្រាប់៥ឆ្នាំបន្ត។ ព្រមជាមួយគ្នានេះដែរ លោក Miguel Diaz Canel Berudez ក៏ត្រូវបានតែងតាំងជាអនុប្រធានទីមួយរបស់លោក Raul Castro ជំនួសឲ្យលោក Jose Ramon Machado Ventura។…

ព័ត៌មានជាតិ

រុស្ស៊ីគ្រោងទឹកប្រាក់2ពាន់លានដុល្លារធ្វើខែលការពារថ្មធ្លាក់ពីអវកាស

BackupThursday ទី21 February ឆ្នាំ2013

កងកម្លាំងការពារនៃទីអវកាសរបស់រុស្សីនឹងចាប់ផ្តើមនូវគម្រោងការថ្មីមួយសម្រាប់ការពារប្រទេសខ្លួនពីការគំរាមគំហែងនានាពីហេតុការណ៏ដូចលើកមុនដែលអាចកើតឡើងម្តងទៀតនាពេលខាងមុខ។ កាលពីថ្ងៃចន្ទកន្លងទៅនេះ អ្នកវិទ្យាសាស្ត្រនៃបណ្ឌិតសភាវិទ្យាសាស្ត្ររបស់រុស្សីបាននិយាយថា ក្នុងគម្រោងការលើកនេះទឹកប្រាក់ប្រមាណជា 2ពាន់លានដុល្លារនឹងត្រូវការសម្រាប់ចំណាយទៅលើដំណើរការផលិតខែលដែលអាចការពារការធ្លាក់នៃថ្មពីអវកាស។ ប្រភពខាងលើបានបន្តទៀតថា កម្មវិធីនេះបានពង្រាងចេញហើយទទួលយល់ព្រមទីភ្នាក់ងារទីអវកាសរបស់រុស្សី និងចុះហត្ថលេខាពីលោកអនុប្រធានាធិបតី Dmitry Rogozinផងដែរ។ គួរបញ្ជាក់ផងដែរថា កាលពីថ្ងៃសុក្រ សប្ដាហ៍មុន មានហេតុការណ៍ធ្លាក់ដុំថ្មពីលើមេឃ ដែលគេជឿថាជាអាចថ៍ផ្កាយ នៅក្នុងប្រទេរុស្សី ដែលបង្កឲ្យរងរបួសយ៉ាងតិច ១២០០នាក់៕

ព័ត៌មានជាតិ

អ្នកទេសចរណ៍ជនជាតិបារាំង ៦ ទៅ ៧ នាក់ត្រូវបានគេចាប់ជំរិតនៅក្នុងប្រទេសCameron

BackupWednesday ទី20 February ឆ្នាំ2013

ជនរងគ្រោះប្រហែលជា6ទៅ7នាក់ជាទេសចរណ៏ជនជាតិបារាំងត្រូវបានចាប់ពង្រត់នៅពេលដែលពួកគេបានធ្វើដំណើរកម្សាន្តនៅទីក្រុងភាគខាងជើងBabangaនៃប្រទេសCameronកាលពីថ្ងៃអង្គារម្សិលមិញនេះ។ ប៉ុន្តែនាថ្ងៃដដែលនេះប្រធានាធិបតីបារាំងបានចេញមកប្រកាសបញ្ជាក់ថាក្នុងចំណោមចំណាត់ខ្មាំងទាំងអស់គឺមានមនុស្សធំ3នាក់និងក្មេង4នាក់ដែលទាំងអស់គ្នាជាក្រុមគ្រួសារតែមួយ។របាយការណ៏ដែលទទួលបាននិយាយថាពួកគេជាអ្នកទេសចរណ៏បោះតង់ហើយពួកគេត្រូវបានចាប់នាពេលព្រឹកព្រលឹមថ្ងៃអង្គារបន្ទាប់ពីបានបោះតង់សម្រាកបានតែមួយយប់ថ្ងៃច័ន្ទ។ ការតាមដាននៅតែបន្តខណះដែលប៉ូលីសបានរកឃើញរថយន្តដែលពួកក្រុមជនល្មើសប្រើប្រាស់សម្រាប់ការចាប់ជំរិតនៅក្នុងតំបន់នៃទីក្រុងBabanga។នេះជាលើកទីមួយហើយដែលការជំរិតកើតឡើងលើជនរងគ្រោះនៃប្រទេសលោកខាងលិច បើទោះជារាល់លើកតែងតែកើតឡើងជាញឹកញយនៅតំបន់នេះក៏ដោយ៕