Monday, ទី25 August, ឆ្នាំ2014 22:23 pm
សៀមរាប: ជនសង្ស័យភេទប្រុសទាំង២នាក់នេះត្រូវបានសមត្ថកិច្ចនគរបាលក្រុងសៀមរាបចាប់ឃាត់ខ្លួនយកមកកាន់អធិការដ្ឋាននគរបាលក្រុងសៀមរាបដើម្បីធ្វើការសួរនាំជាប់ពាក់ព័ន្ធក្នុងករណីអំពើលួចដោយជិះម៉ូតូឆក់កាបូបជនរងគ្រោះទាំងភ្ញៀវទេសណ៍បរទេសនិងបងប្អូនប្រជាពលរដ្ឋខ្មែរជាច្រើនលើកច្រើនសារក្នុងក្រុងសៀមរាប។
លោកអនុសេនីយ៍ឯកនួនស័ក្កិចំរើនរិទ្ធអធិការរងនគរបាលក្រុងសៀមរាបទទួលបន្ទុកព្រហ្មទ័ណ្ឌនៃអធិការដ្ឋាននគរបាលក្រុងសៀមរាបបានឲ្យដឹងថាដោយទទួលបាននូវការណែនាំឲ្យដឹកនាំកម្លាំងក្នុងអង្គភាពចុះប្រតិបត្តិការណ៍ធ្វើការតាមដានស្រាវជ្រាវនិងឈានដល់ការបង្ក្រាបបានចំពោះជនសង្ស័យទាំង២នាក់នេះពីសំណាក់លោកវរសេនីយ៍ទោទិត្យណារ៉ុងអធិការនគរបាលក្រុងសៀមរាបនិងដោយអនុវត្តតាមការយកចិត្តទុកដាក់ខ្ពស់ជាប្រចាំពីសំណាក់លោកឩត្តមសេនីយ៍ទោសតណាឌីស្នងការនគរបាលខេត្តសៀមរាបក៏ដូចជាដើម្បីធ្វើឲ្យការអនុវត្តនូវគោលនយោបាយភូមិឃុំមានសុវត្ថិភាពឲ្យកាន់តែមានប្រសិទ្ធភាពខ្ពស់។ក៏ដូចជាបន្ទាប់ពីសមត្ថកិច្ចទទួលបាននូវពាក្យបណ្តឹងពីជនរងគ្រោះផងនោះទើបជាក់ស្តែងកាលពីថ្ងៃទី២២ដល់ថ្ងៃទី២៣ខែសីហាឆ្នាំ២០១៤កន្លងទៅលោកអនុសេនីយ៍ឯកនួនស័ក្កិចំរើនរិទ្ធ បានដឹកនាំកម្លាំងនគរបាលក្នុងអង្គភាពធ្វើការតាមដានស្រាវជ្រាវនិងធ្វើការចាប់ឃាត់ខ្លួនជនសង្ស័យវ័យក្មេងទាំងពីរនាក់នេះបានតែម្តងនៅក្នុងក្រុងសៀមរាប ។
លោកអនុសេនីយ៍ឯកនួនស័ក្កិចំរើនរិទ្ធអធិការរងនគរបាលក្រុងសៀមរាបទទួលបន្ទុកព្រហ្មទ័ណ្ឌនៃអធិការដ្ឋាននគរបាលក្រុងសៀមរាបបានបន្តឲ្យដឹងទៀតថាបន្ទាប់ពីសមត្ថកិច្ចធ្វើការចាប់ឃាត់ខ្លួននិងបានធ្វើការសួរនាំចំពោះជនសង្ស័យទាំងពីរនាក់នេះជាប់ពាក់ព័ន្ធនិងករណីអំពើលួចដោយជិះម៉ូតូឆក់កាបូបជនរងគ្រោះទាំងភ្ញៀវទេសណ៍បរទេសនិងបងប្អូនប្រជាពលរដ្ឋខ្មែរជាច្រើនលើកច្រើនសារ...