លោកគ្រូផ្សព្វផ្សាយធម៌ម្នាក់រកស៊ីទទួលប្រាក់ពីប្រជាពលរដ្ឋដោយអោយការប្រាក់២០% ភ្លាមៗ សង្ស័យជាទង្វើបោក
កំពង់ឆ្នាំង៖បុរសម្នាក់បានតាំងខ្លួនជាអ្នកផ្សព្វផ្សាយធម៌ បានយកសាលាបុណ្យក្នុងភូមិធ្លកវៀន ឃុំធ្លកវៀន ស្រុកសាមគ្គីមានជ័យ ធ្វើជាទីសក្ការៈអោយអ្នកស្រុកគោរពបូជា និងរៀនសូត្រធម៌ ហើយបានទទួលយកប្រាក់ពីអ្នកភូមិខ្លះរាប់លានរៀល និងអ្នកខ្លះមួយម៉ឺនដុល្លា មកតំកល់ទុកដោយគិតការប្រាក់អោយវិញក្នុងមួយខែ២០% ដែលករណីនេះសមត្ថកិច្ចនិងអាជ្ញាធរមូលដ្ឋានសង្ស័យថាជារឿងបោកប្រាស់។ហេតុការនេះបានកើតឡើងជាង៣ខែមកហើយនៅក្នុងភូមិឃុំខាងលើ ឥឡូវនេះអាជ្ញាធរនិងសមត្ថកិច្ចកំពុងធ្វើការស្រាវជ្រាវនិងទប់ស្កាត់ដើម្បីកុំអោយប្រជាពលរដ្ឋចាញ់ល្បិចនៃការបោកប្រាស់នេះ។ នៅព្រឹកថ្ងៃទី២៥ ខែតុលា ឆ្នាំ២០១៤ វេលាម៉ោង៨និង១៥នាទី អ្នកយកព័ត៌មានត្រូវបានមន្ត្រីនគរបាល ប៉ុស្តិធ្លកវៀន ជូនទៅដល់សាលាបុណ្យដែលជាកន្លែងស្នាក់នៅរបស់លោកគ្រូ ប្រាក់ គីរី…